Ta cabando cu algun fayo cu a capta na ultimo: 11 di december caminda ta completo habri

Departamento di Obra Publico ta desea di informa comunidad di Aruba ariba un paar punto sumamente importante tocante e proyecto di recostruccion di caminda na High Rise Hotel.

E caminda desde bushalte Hilton te crusada band’i Giannis ta habri desde Diasabra 23 di November.

Un informacion cu nos mester menciona ta: durante nos controlnan rutinario, nos e encontra cu parti di e tubo y dos put bou di e caminda a keda halto y nos lo mester drecha e parti aki prome cu nos caba di asfalta pa por habri e caminda completo. E reparacion akinan lo tin un duracion di 3 siman.

Segun e planning cu e contratista a entrega e trabou nan lo culmina diaranson 11 di December 2024 pa cual lo habri e caminda completo.

Manera nos tin mas update, nos lo informa comunidad di Aruba ariba e desaroyonan di e proyecto di High Rise Hotel.