SVb ta agrega servicio di print documentonan pa su pensionado

Recientemente SVb a introduci un kiosco digital den su oficina na Vondellaaan unda pensionadonan di AOV/AWW por print nan documentonan.
E kiosco digital aki ta na disponibilidad di esnan cu ta cobra pensioen di AOV/AWW for di 7.30 am te cu 4or pm. Pensionadonan of nan representante por pasa na e kiosco pa haci uzo di e servicio aki hincando nan number di AOV of AWW y nan fecha di nacemento.
Por print e declaración di entrada anual bayendo atras te cu ultimo 8 aña y tambe por print e declaración di entrada. Si ta necesario por haya asistencia di e personal di seguridad. SVb ta brinda servicio di wi-fi na su cliente si mester di internet.
Den caso cu cliente no ta corda su number di AOV/AWW e lo por manda un Whatsapp pa departamento di Pensioen na 5272760 solicitando esaki hunto cu un potret di su I.D. balido.

Rapidamente e departamento lo suministra e number di AOV/AWW. Pa luna di maart ta premira cu lo pone den servicio un kiosco mas na nos sucursal na San Nicolas.
E kiosco ta sitúa den entrada di nos oficina di Werknemersverzekeringen na Vondellaan. SVb su empleado di seguridad lo indica e entrada.
Con pa uza e servicio di e Kiosk ?
Primi riba bo idioma preferí
Primi bo number di SVb y yena bo fecha di nacemento y continua.
Scoge y primi riba e documento cu ta desea.
Primi print y saca e documento for di e printer
Indica cu a caba di print primiendo e botón berde riba pantaya
Pa mas información por tuma contacto cu Departamento di Pensioen di SVb na [email protected] of via di Whatsapp texto únicamente 5272760.