Skirbimento creativo pa principiante – Masnoticia.com

Biblioteca Nacional Aruba ta ofrece un curso cortico di skirbimento creativo cu ta cuminsa na november. Docente di curso ta autor local, sr. Vi Frank jr. E nivel ta Principiante. E curso ta un biaha pa siman y lo dura 8 siman. E curso aki ta tuma lugar na biblioteca na Playa y ta pa adulto y hoben. Instruccion ta na Papiamento.
E curso aki ta dialuna atardi di 5or pa 7or, ariba e dianan; 4 y 6 di november, 11, 18, 25 di november y tambe 2 y 9, 16 di december 2024. Por registra via email: [email protected] of yama na biblioteca # 528 1504. E curso ta costa 150 florin pa persona. Registracion ta cera diabierna dia 25 di october y cupo ta limita.
Esaki ta interesante pa tur esnan cu ta gusta skirbi ficcion y ta desea di sigui siña mas y haya guia for di sr. Vi Frank jr. Participantenan ta haya tarea pa traha ariba den weekend y pa practica.
Sr. Vivienno Frank jr. a publica 2 buki y actualmente ta trahando riba un di tres publicacion. ‘Damnatio ad bestias’ (2020) y tambe Outpost Alto Vista and other cosmic horrors from Aruba (2020). Tur dos buki miembronan por fia na biblioteca y nan ta obtenibel na libreria local tambe pa cumpra.