Connect with us
MVP Ad

‘SITUASHON FINANSIERO DI KÒRSOU TA MAS NEGATIVO KU A WÒRDU PRONOSTIKÁ’

Local

‘SITUASHON FINANSIERO DI KÒRSOU TA MAS NEGATIVO KU A WÒRDU PRONOSTIKÁ’

‘SITUASHON FINANSIERO DI KÒRSOU TA MAS NEGATIVO KU A WÒRDU PRONOSTIKÁ’

‘SITUASHON FINANSIERO DI KÒRSOU TA MAS NEGATIVO KU A WÒRDU PRONOSTIKÁ’ –  Basá riba relato finansiero di promé kuartal di 2019…

WILLEMSTAD. – Kolegio Supervishon Finansiero (Cft) dia 12 di yüni a manda karta na minister di Finansa Kenneth Gijsbertha relashoná ku e promé “uitvoeringsrapportage” (UR) di 2019, ku ta un relato finansiero ku ta duna un bista di situashon finansiero di e promé kuartal di 2019. Segun Cft e situashon di finansa públiko ta mas negativo ku a wòrdu pronostiká. Relashoná ku e défisit di 2018, Cft por konkluí ku e défisit di 2018  a subi. Esaki ta resultado di e maneho di gobièrnu, ku a sera mas obligashon, ku un balor di den total di 14.8 mion Naf. Ku esaki a realisá un défisit total pa e aña 2018 di 90.4 mion Naf. Segun Cft ku esaki e total di défisit pa e añanan 2017 I 2018 a bira 207,2 mion Naf. Nan ta bisa ku e “verplichtingenstop” ku minister di Finansa Kenneth Gijsbertha a introdusí no ta efektivo. Den e karta nan ta pidi Gijsbertha pa duna un splikashon kon e ta kere ku e por evitá ku e défisit den aña 2019 lo sigui krese mas.

 

Cft tambe ta pidi minister Gijsbertha pa duna mas informashon tokante e situashon finansiero di e bendementu di kompania di UTS i e konsekuensia di esaki pa presupuesto. Segun e Strategia di Kresementu, ku gobièrnu di Kòrsou a firma den luna di yanüari di e aña aki ku Ulanda, gobièrnu di Kòrsou tin ku usa ganashi di un solo biaha ku ta resultado di privatisashon pa “structuurversterking” di ekonomia. Ku ta nifiká ku gobièrnu tin ku invertí e sèn pa asina reforsá struktura di ekonomia di Kòrsou. Den su karta Cft ta enfatisá e importansia di esaki i pa e motibu ei nan ta pidi minister Gijsbertha pa duna mas informashon kiko Kòrsou a hasi te ainda pa reforsá di struktura di su ekonomia. En espesial relashoná ku e bendementu di UTS. Cft a duna minister Gijsbertha 2 siman pa reakshoná riba e karta i duna informashon.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!