Sindicatonan di sector publico cu mensahe fuerte na Gobierno

Nos mesa di redaccion a haya un carta cu algun trahado di sector publico a manda pa nan Sindicato exigiendo informacion y splicacion encuanto aumento di salario pa esnan den school 13 bay ariba, por tuma nota cu esnan cu no ta yega e schaal nan aki hopi indigina rabia y kiersa con a yega na e decision aki y kende kier benificia y kico ta para pe trahado publico cu tin schaal mas abow ? Kico a pasa cu nan derecho ? Mester bisa for di varios di e trahador nan aki por sinti cu si no bin contesta di e lidernan sindical por spera accion di e gran mayoria di trahado publico .

Peticion pa aclaracion tocante aumento di salario di schaal 13 y mas.

Estimado representantenan di sindicato,

Cu e carta aki mi kier expresa mi preocupacion sincero tocante e reciente aumento di salario cu a wordo otorgá solamente na ambtenaar den schaal 13 y mas halto.

Hopi ambtenaar cu ta traha duro den escala mas abou a tuma nota di e decision aki y a keda cu preguntanan. E empleadonan aki ta carga responsabilidadnan grandi tur dia, hopi biaha den funcionnan ehecutivo y di sosten, pero nan no a wordo inclui den e ahuste aki. Esaki ta crea un sentimiento di desigualdad y ta laga preguntanan surgi tocante trato husto.

Como sindicato, bo papel principal ta pa defende interesnan di tur miembro, no solamente di un grupo especifico. P’esey nos como ambtenaar ta puntra respetuosamente:

* Riba cua base e decision aki a wordo sosteni of acepta?
* A defende activamente interesnan di ambtenaar den escala mas abou?
* Kico accion concreto ta wordo tuma pa garantisa trato igual y apreciacion pa tur ambtenaar?

Sector publico ta funciona danki na esfuerzo conhunto, for di personal di sosten te na esnan cu ta formula politica. Ora solamente un grupo ta beneficia, esaki por crea division, desmotivacion y un sentimiento di discriminacion entre esnan cu ta sigui dedica nan mes tur dia na servicio di nos comunidad.

Nos ta spera bo reaccion y aclaracion, y nos ta confia cu lo tin pasonan concreto pa logra un solucion husto y inclusivo.

Cu respet,

Tur ambtenaar bou schaal 13