Setar a ilumina rotonde Seroe Blanco

SETAR ta orguyoso di por sigui e bunita tradicion di ilumina e Rotonde Seroe Blanco, treciendo asina e spirito di Pasco den nos comunidad. E tradicion aki stima pa henter Aruba, ta representa e dedicacion di SETAR pa mantene bibo e spirito festivo y alegria cu ta caracterisa nos isla durante temporada di Pasco.

Na SETAR, nos ta kere den preserva tradicionnan cultural cu ta uni nos comunidad. E iluminacion di e rotonde ta mas cu djis un decoracion; e ta un simbolo di luz, speranza y union pa nos hendenan. SETAR ta invita henter comunidad di Aruba pa bishita Rotonde Seroe Blanco anochi y disfruta di e iluminacionnan, compartiendo e momento special aki cu famia y sernan keri.