Señora atraca cu arma blanco pa dos homber den Olijfistraat

Diaranson pa mas o menos 9:40 di anochi polis ta keda informa cu un señora lo a wordo atraca na altura di Olijfistraat den Dakota.

Di biaha ta despacha patruya di polis y diferente unidadnan na e sitio.
Na yegada di e prome patruya ta bin topa cu e señora basta spanta y na unda e ta conta cu un rato prome dos homber den un auto color cora lo a atrake cu un cuchiu y nan a bay cu tur su pertenencianan.

Diferente unidad di polis riba caya a cuminsa busca pa cu e auto cu e sospechosonan aden.

Cuerpo Policial ta haci un apelacion di es cu sa algo of a mira algo pa yama e tiplijn di polis cu ta 11141. Bo ta keda anonimo.