Señora a lubida riba rotonde Ponton a sigui straight dal basta duro den e blokinan

Diadomingo anochi riba rotonde Ponton na WVB ta sosode un accidente unda señora coriendo den un kia picanto bahando foi Tanki Leendert a yega e rotonde pero a sigui straight dal basta duro den e blokinan cu tin na rand di e rotonde y consecuencia a kibre auto y borchi trafico.

Polis di K9 pasando a topa cu e dalmento y a baha atende cu esaki y a mira cu un señora trai stuur ta keha di dolor. Ambulance a presenta y paramedico a brinda asistencia haci un control.

Polis di trafico tambe a presenta pa tuma dato di e dalmento. Na final takelwagen di seguro a presenta.