Connect with us
MVP Ad

SEGUN SINDIKATO APRI LO RETIRÁ 1050 TRAHADÓ DI REFINERIA ISLA

Local

SEGUN SINDIKATO APRI LO RETIRÁ 1050 TRAHADÓ DI REFINERIA ISLA

SEGUN SINDIKATO APRI LO RETIRÁ 1050 TRAHADÓ DI REFINERIA ISLA

SEGUN SINDIKATO APRI LO RETIRÁ 1050 TRAHADÓ DI REFINERIA ISLA –  WILLEMSTAD, – Pa falta di krudo refineria Isla ta stòp ku produkshon i lo entamá proseso pa retirá mas ku 1050 trahadó. Refineria Isla ta garantisá pago di salario te ku luna di yüni. Asina presidente di e sindikato APRI Gherrel Remilia a bisa. Segun Remilia sindikato a kuminsá negosiashonnan pa yega na un plan di retiro satisfaktorio pa e trahadónan. Remilia: ‘Problema ta ku no tin krudo ta drenta pa refiná. Na e momentu aki refineria Isla ta papiando ku 1050 trahadó, pa duna nan retiro. Sindikatonan ta kombersando ku gerensia riba un plan di retiro. I ku e trahadónan por haña tur benefisio ku leinan di Kòrsou ta preskribí.’

Bosero di Refineria Isla Earl Balborda a bisa EXTRA ayera anochi ku e deklarashon pa ku a entamá proseso pa retirá mas ku 1050 trahadó, ‘no ta un deklarashon di Isla, ni na nòmber di isla.’ Segun Balborda Isla na e momentu ei lo no duna niun deklarashon i tampoko lo no reakshoná riba deklarashon di otro hende tampoko.

Remilia a bisa ku e luna aki refineria ta kuminsá hasi petishon di retiro pa e trahadónan. Balborda: ‘Tur loke ser papia ta “voor eigen rekening”.’

Marcelino ‘Chonky’ di Lannoy, presidente interino di Refineria di Kòrsou, a bisa ku Refineria di Kòrsou lo no ta para garantia pa salario di trahadónan di refineria. ‘Loke si nos por hasi ta ku e operador aktual por haña sufisiente ingreso pa asina paga e salario. Loke nos ke hasi ta ku nos ke fasilitá si e benta di inventario di produktonan.’ Pa e motibu aki a pidi eksonerashon di sanshon Merikano, segun De Lannoy. ‘Rdk ku Curoil por komersialisá. Nos no ta garantisá salario pa trahadónan di Refineria Isla, pero huntu nos ta traha huntu pa yega na un solushon.’

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!