SABA, Mariestela y San Nicolas pa su cuenta: Trahadornan bou presion y no tin security na entrada durante dia

Siman tras di lomba algun famia a aserca nos redaccion informando cu ta sinti un insigur cu n’e entrada di Mariestela na Savaneta no tin security durante dia, y ta sinti esaki insigur p’e grandinan y tambe te hasta p’e zusternan trahando.

Den pasado caba a sosode un incidente cu un homber cu no ta permiti pa subi tereno a presenta cu arma blanco pa ataca un hende, pero ta bon cu tabatin security pa para e asunto aki na ora. Nos a bay averigua n’e otro Saba na Playa y tambe na San Nicolas informacion interno den haltonan y ex trahadornan ta indica cu e directora cu tin n’e momentonan aki tin tur hende harta. Su number t’ey hunga mescos cu Minister a core pone pa complase, Minister prepara cu mescos cu e Minister ta bay e directora tambe lo bay pronto caba.

Segun informacion interno a yega na nos mesa redaccion cu e directora ta pasando machete tur caminda, e kier baha man cu personal e.o zuster cu ta haci parti cuido, security y mas caminda mientras e Cas di Cuido Pavillioen na Playa tin security 24/7, e pregunta di e zusternan y famianan di grandinan tanto na Savaneta y San Nicolas ta puntra kico, nan no ta hende cu no tin security parti mainta pa atardi mas. Dos di e casnan tin e problema grandi pa cu cuido pero ta mustra cu e directora kier haci e cos na su amen, y sin scucha di e trahadornan.

Zusternan ta ocupa cu nan trabou diario durante dia, y ta hayanan nan mes confronta cu un porta na entrada habri, ken cu ta por drenta paden y sin sa ki dia algo por pasanan y te hasta si algo pasa un grandi un dia scapa no tin yudansa di security manera antes.
Famia ta pidi via media pa Minister por revoca e situacion y pone siguridad bek y hala atencion debidamente di e directora.

Masnoticia por a compronde cu e directora maske e ta pasa cas pa cas, e no kier scucha mes di e trahadornan, tin un presion halto den e trahadornan.