Connect with us
MVP Ad

PSB BANK NA PÒSTKANTOR TA SERA SU SERVISIONAN NA LOKÈT I FIANSA

Local

PSB BANK NA PÒSTKANTOR TA SERA SU SERVISIONAN NA LOKÈT I FIANSA

PSB BANK NA PÒSTKANTOR TA SERA SU SERVISIONAN NA LOKÈT I FIANSA

PSB BANK NA PÒSTKANTOR TA SERA SU SERVISIONAN NA LOKÈT I FIANSA – WILLEMSTAD.- PSB Bank na Pòstkantor ta sera e parti di servisionan na lokèt i asuntu di fiansa. Ayera tardi riba nan página di Facebook, PSB Bank a anunsiá ku entrante 1e yüni no por hasi ningun transakshon bankario mas na PSB Bank su filial na Punda. Pa tur servisionan bankario por akudí na e filial na Goisco òf na nan Loan Center na Rooseveltweg.

Den deklarashon pa EXTRA, direktor di PSB Bank, sr. Daniel Hodge a indiká ku en bèrdat e parti di servisio na lokèt i fiansa ta sera. Pero na e sitio ta bin departamento atministrativo i kobransa ku tambe ta risibí kliente.  E no tin nada di aber ku ta sera e filial. A realoká e trahadónan internamente i a hasi e ehersisio aki pa tin mas espasio i traha mas efisiente i efektivo.

Mas aleu sr. Hodge a bisa di a tuma nota ku hopi hende no ta bai Punda pa hasi transakshon i p’esei ta mihó konsentrá tur kos na Rooseveltweg i Goisco.

Tampoko tin redukshon di kantidat di empleadonan ku e ehersisio ku a hasi aki. E trahadónan ta keda realoká pa filialnan na Rooseveltweg i Goisco.

Pa loke ta trata tarifanan pa transakshonnan ku vários banko a introdusí resientemente, sr. Hodge a indiká ku nan no a introdusí tarifanan nobo. Tampoko a adaptá tarifanan. Loke si nan sa hasi periódikamente ta evaluá tarifanan pa kubri gastunan. No pasombra otro bankonan a introdusí otro tarifa, nos tambe tin di ahustá, e direktor a bisa.

Kada kada kuater pa sinku luna banko mes ta wak kon tarifanan ta den merkado i ta ahustá. Esaki tin di aber ku gastunan di banko.

“Nos ta purba manera a hasié tur tempu. Nos no ta un banko full komersial, nos ta un banko di gobièrnu i esaki no ta kita ku nos mester kubri nos mes gastunan i hasi ganshi. E gastunan ku nos ta kobra, no ta eksesisvamente i no a bin ku nada nobo”, sr. Hodge a terminá bisando.

Continue Reading
Advertisement
You may also like...

More in Local

MVP Ad
To Top
Close
error: Content is protected !!