Connect with us
MVP Ad

PROME MINISTER WEVER CROES: E CAPITULO DI CITGO TA YEGANDO SU FINAL

Caribean

PROME MINISTER WEVER CROES: E CAPITULO DI CITGO TA YEGANDO SU FINAL

PROME MINISTER WEVER CROES: E CAPITULO DI CITGO TA YEGANDO SU FINAL

PROME MINISTER WEVER CROES: E CAPITULO DI CITGO TA YEGANDO SU FINAL –  ORANJESTAD.- Den un conferencia di prensa di Gobierno diahuebs mainta e mandatario a duna informe di su biahe pa Washington. Y den e relato el a pone énfasis cu mester ta bon cla pa tur hende cu e capitulo di Aruba cu Citgo ta cera, pero no cu e refinería.

Un di e 14 reunionnan cu e Prome Minister di Aruba y esun di Corsou a tene tabata cu e organización OFAC (Office of Foreign Assets Control) y Under Secretary Treasury, pero tambe cu State Departmento. Según e mandatario, e organisacionnan Gubernamental di Merca kier traha cu Aruba p ano stagna economía di e isla. A informa nan cu rehabilitación di e refinería ta masha importante pa economía di Aruba na e momentonan aki. “Nan a reconoce esey y a duna nan palabra c unan ta dispuesto pa yuda nos den esey.”

E splicacion cu Aruba a haya ta cu rehabilitación di e refinería supuestamente lo no mester a cay bou di e sancionnan pasobra no ta trahando cu crudo Venezolano y tampoco ta haciendo ganashi. Solamente ta drechando e instalacionnan. Ta unabes cu e habri cu e genera ganashi, esey si lo cay bou di e sancionnan.

Pero ora cu a yega na OFAC, a haya hopi mas informacion. A resulta cu CITGO, cu ta esun cu mester aplica pa licencia pa rehabilita e refineria no a haci esey. A haci peticion pa algo diferente. Aruba tampoco por pidi un licencia, pa motibo di ta un tercer partido y no ta e operador. “E noticia aki a cambia e escenario un poco.”

Den cuadro di tur e informacion ricibi, e mandatario a bisa cu den e reunion di Conseho di Minister di diabierna, e lo pidi permiso pa instala un comision, cu lo mester evalua ual ta e siguiente paso pa dal, basa riba tur e informacionnan cu tin. E comision mester bini cu proposicionnan riba futuro di e refineroa, si e lo bira un Aruba cu refineria of un Aruba sin refineria.

Tambe e mandatario a bisa cu tanten cu e situacion existente na Venezuela keda asina, cualkier  interesado pa operacion di e refineria lo por haya nan mes cu problema di e sancionnan. Loke cu tin den e refineria y cu por bay wordo opera, ta un “upgrader” cu por procesa unicamente crudo pisa. E material aki mas cerca disponibel ta esun di Venezuela. Si Aruba mes dicidi di drecha e refineria oper’e y cu e unico crudo pisa disponibel ta di Venezuela, “nos lo bay cay bou di e sancionnan. Pues no por haci nada. Cu esaki mi kier mustra con serio e situacion ta awor.”

E comision lo mester bay studia si den region por tin otro pais cu e tipo di crudo pisa aki. St Croix tabata den un situacion similar na Aruba, na aña 2012, pero nan a haci cambio y nan ta cla pa habri awo, y a logra haya crudo di hasta China. Pues esaki ta mustra cu tin speransa y posibilidad.

Tambe e comision ta bay evalua e lista di esnan cu den pasado a expresa interes den e instalacionnan di e refineria. Lo mester haya sa cual ta e modelo cu nan tin den mente, pasobra si ta di Venezuela, e lo no por bay door. Lo no bay duna mas garantia na ningun compania interesa. Lo pidi e comision pa den dos luna di tempo bini cu recomendacionnan pa Gobierno. Cu esaki lo bay den un consulta nacional pa presenta e posibilidadnan na comunidad.

E mandatario a bisa cu e situacion ta dificil. “Esaki ta momentonan hopi dificil. Nos ta den lucha pa crea pilar y desaroyonan economico pa crea cuponan di trabou. P’esey tipo di noticianan asina ta dificil pa procesa. Mester wak cuanto mas nos por wanta. E refineria debi hopi miyones na contratistanan local, cu  na su turno ta afecta e trahadonan.

Cu tur informacion ricibi lo bay evalua esaki cu CITGO, e comision pa mira kico ta bay haci. E mandatario a bisa tambe cu ora ta papia di refineria ta papia di Plan A, B y C.  El a bisa cu Plan ta cu CITGO ainda riba papel, pero esaki ta algo cu e mandatario ta kere cu poco-poco mester kit’e for di mesa. Plan B ta e refineria pero cu un otro operador of di un otro forma. Esaki ta loke cu Gobierno ta bay cuminsa traha riba dje cu e comision ta bay instala. Si den Plan B resulta cu e unico crudo cu Aruba por procesa ta esun pisa di Venezuela, lo bolbe bek pa splica comunidad kico Gobierno kier haci. Si resulta cu no kier warda, lo bay haci algo diferente. E pregunta ta si kier warda y cuanto tempo kier warda. “Unico cos cu por bisa ta cu e capitulo di CITGO ta yegando su final.”

Continue Reading
Advertisement
You may also like...

More in Caribean

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!