Connect with us
MVP Ad

PORSENTAHE ABOU DI SLAGMENTU

Caribean

PORSENTAHE ABOU DI SLAGMENTU

PORSENTAHE ABOU DI SLAGMENTU

PORSENTAHE ABOU DI SLAGMENTU  – KRALENDIJK.- Minister Arie Slob di Enseñansa no tin plan pa kambia nada na e idioma di instrukshon i eksámen (hulandes) ku ta usa na Boneiru, Kòrsou i Aruba. Esaki ta bin dilanti den kontesta di e minister riba pregunta por eskrito di miembronan di parlamento hulandes Nevin Özütok i Lisa Westerveld (tur dos di GroenLinks) i un artíkulo di Koninkrijksrelaties.nu. Slob a mustra e miembronan ku e no tin nada di bisa tokante enseñansa na Kòrsou i Aruba. E islanan aki mes ta disidí tokante idioma di instrukshon i eksámen.

Pa enseñansa na Boneiru si e minister ta responsabel, pero e ta splika di no ta bai introdusí kambio drástiko relashoná ku e práktika ku tabata eksistí ya for di promé ku 2010. Ku e porsentahenan di slagmentu na Boneiru ta mas abou ku Hulanda Oropeo, segun e, no solamente por atribuí esaki na hulandes komo idioma di instrukshon.

Ku e porsentahenan ei ta konsiderablemente mas abou, Slob ta haña “no ta asina straño si mira ku ta na 2018 numá SGB a logra kalidat básiko. E porsentahenan di slagmentu na 2018 pa vwo i mavo ta laga mira un mehorashon konsiderabel kompará ku 2017.

Un di e splikashon-nan pa e sifra ketu bai desepshonante pa havo ta ku te ainda tin un determi-nashon ku no ta sufisiente ku ta pone ku alumnonan no semper ta sigui pa e tipo di enseñansa ku ta pas mihó pa nan. Banda di esei ta konosí ku hopi alumno ta preferá hasi un intento pa haña nan diploma di havo, komo ku esaki ta duna nan oportunidat pa sigui enseñansa superior na Hulanda.

Mi no tin indikashon ku pa un parti grandi e diferensia den porsentahe di slagmentu ta debí na uso di idioma hulandes den enseñansa.”

Continue Reading
Advertisement
You may also like...

More in Caribean

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!