Polisnan a wanta un sin fin di insulto di homber bebi cu a causa accidente na Noord

Diasabra anochi riba caminda di Noord na altura di e rotonde ta sosode un accidente unda chauffeur di un mini cooper a bay dal contra di un chevrolet cu tabata biniendo di pabou.

Ambos auto a keda kibra pero no tabata nada grandi, debi cu un di e chauffeurnan ta bebi a yama polis, ya cu e chauffeur a lanta cu e otro partido.

Polis di trafico tabata presente pa tuma dato di ambos partido momento cu Polis di trafico a informa e homber cu e ta keda deteni el a cuminsa na insulta polisnan sin fin y kier a lanta man pa agredi Polis pero el a pense dos biaha.

Vehiculo di transporte a presenta y a bay cu e homber pa warda di Polis.