Connect with us
MVP Ad

PLAYA PISCADERA TA KEDA AKSESIBEL PA PUEBLO

Local

PLAYA PISCADERA TA KEDA AKSESIBEL PA PUEBLO

PLAYA PISCADERA TA KEDA AKSESIBEL PA PUEBLO

PLAYA PISCADERA TA KEDA AKSESIBEL PA PUEBLO – Minister Jesus-Leito: Tin palabrashon kla ku e invershonistanan riba papel

WILLEMSTAD.- Minister Zita Jesus-Leito ayera a duna oido na abitantenan di Charo i bisindario, ora ku nan a pidi presensia di Minister pa nan por haña aklarashon riba e posibel plannan ku tin pa sera playa Piscadera, den boka di pueblo Playa Sonesta. Minister Jesus-Leito a enfatisá ku e Playa Piscadera ta keda aksesibel pa Pueblo i tin palabrashon kla riba papel ku e invershonistanan.

E personanan ku ta kuida e playa i tené limpi, a pidi Minister su presensia na Playa Piscadera ayera mainta, pa un situashon ku nan ta premirá ku por bai bira un problema.

Segun e personanan aki, ayera mainta nan a mira hendenan ta koba i marka kaminda ku lo bai pone staka pa sera e playa su  aksesibilidat, pa motibu ku e burakunan ta yega te na laman. Ora ku nan a puntra e kontratista kiko nan ta hasiendo nan a haña komo kontesta ku nan ta serando e playa ku bendishon di Minister Zita Jesus-Leito.

Esaki tabata motibu ku nan a pidi presensia di Minister Jesus-Leito di manera ku nan por haña klaridat riba  situashon ku a surgi i ku a laga nan babuká.

Minister a sigurá pueblo di Kòrsou kompleto, pa des-preokupá, pa motibu ku e palabrashon ta riba papel ku e playa mester keda habrí.

Den kombersashon ku e abitantenan, Minister Jesus-Leito a splika ku Marriott a pidi pèrmit pa nan ekspandé e hotèl. Minister a splika ku Marriott a haña un karta di Ministerio ku nan por haña nan pèrmit, pero ku e playa mester keda aksesibel pa públiko.

Minister a splika ku e loke ku tin será na hèki awor aki, ta loke ku Marriott tin derecho riba dje.

Minister a enfatisá ku playa ta keda di pueblo i nada no a kambia pa ku esei. Algun luna tras di lomba e tabata na e sitio aki kaba ku un otro grupo, kaminda ku el a splika mesun kos.

Plan di ekspanshon.

Minister a bisa ku nan komo gobièrnu tin un palabrashon kla ku e invershonista mester kumpli kuné. ‘Nos ta gobièrnu di Kòrsou ku tin interes di pueblo aki na pechu i nan mester kumpli ku esaki.

Minister ta keda para ariba ku tin un palabrashon ku e playa ta keda aksesibel i ku e invershonista sa na kiko nan tin di tene nan mes na dje. Minister a duna di konosé ku si nan faya, lo hala nan atenshon.

Minister a sigurá pueblo di Kòrsou kompleto, pa des-preokupá, pa motibu ku e palabrashon ta riba papel ku e playa mester keda habrí.

Minister a splika esnan presente ku dentro di  korto tempu nan lo bai drecha henter e área di e playa Piscadera pa hasié un lugá ku henter pueblo di Kòrsou por a hasi uso di dje.

 

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!