Connect with us
MVP Ad

PG MESTER ENTREGÁ HOF MOTIVASHON DIKON NO A PERSIGUÍ MINISTER MARTINA

Local

PG MESTER ENTREGÁ HOF MOTIVASHON DIKON NO A PERSIGUÍ MINISTER MARTINA

PG MESTER ENTREGÁ HOF MOTIVASHON DIKON NO A PERSIGUÍ MINISTER MARTINA

PG MESTER ENTREGÁ HOF MOTIVASHON DIKON NO A PERSIGUÍ MINISTER MARTINA – WILLEMSTAD. – Dia 3 di yüni tras di lomba, señornan Monk, Rojer i Dos Santos a entregá un karta di opheshon na Korte Komun (HOF) pa instruí Ministerio Públiko kontinuá ku e proseso di investigashon penal kontra di Steven Martina.

E petishon na HOF ta bin despues ku Ministerio Públiko a sepone e persiguishon penal kontra di Martina, ounke ku den nan relato nan ta hasi menshon ku Martina sin mas a hasi su mes kulpabel na echonan kastigabel.

E desishon di Ministerio Públiko a sòru pa hopi komentario den komunidat, tantu di esnan kontra i pro e echo ku a sepone e persiguishon.

Hopi hende ta interpretá e desishon di Ministerio Públiko di a laba man i laga HOF disidí kiko e ta hasi ku Martina si a akaso partido MAN bolbe postul’é komo kandidato pa Minister, òf nan ta konsiderá e akshon di Ministerio Públiko di a pusha e responsabilidat den skochi di Gobièrnu pa nan atendé kuné.

Mientrastantu durante nan rueda di prensa, partido MAN a hasi menshon ku nan úniko kandidato pa Minister di Ekonomia ta Steven Martina, ya ku partido ta konsiderá ku ora Ministerio Públiko a sepone un kaso, e persona en kuestion ta liber di tur akusashon.

Pero e sepo ta bou di kondishon di un aña ku Martina no por kometé niun akto kastigabel. Esaki a trese e diskushon, kiko ta nifiká sepone bou di kondishon, esta un aña largu sin kometé nada kastigabel, ku esun aña ei, ketu bai Martina ta keda sospechoso.

Pues tin algun pregunta pa haña aklarashon riba dje i e tres miembronan di partido Kòrsou di Nos Tur (KdNT), esta Monk, Rojer i Dos Santos, ku ta e personanan responsabel pa e keho entregá na Ministerio Públiko, mas ku klaro no ta satisfecho ku e posishon di Ministerio Públiko i nan a  entrega un karta di opheshon na HOF pa obligá Ministerio Públiko kontinuá ku e kaso penal kontra di Martina.

Riba e mesun dia ku e karta di opheshon a drenta na Korte, HOF a pone Prokurador General na altura di e opheshon entregá.

HOF a instruí Prokurador General pa e entregá un relato dikon nan no a persiguí Martina pa mas tardá 15 di yüli 2019.

E loke ku HOF a pidi Prokurador hasi, esta traha un relato dikon Ministerio Públiko no a kontinuá ku persiguishon kontra Martina, ta un prosedura normal, pa motibu ku promé ku Hof tuma un desishon sea nan ta ordená Ministerio Públiko persiguí Martina òf no, nan mester tin un motivashon di parti di Ministerio Públiko por eskrito  pa por yega na nan konklushon.

Despues di dia 15 di yüli, ainda e proseso no ta kla, pa motibu ku ta e ora ei HOF tin e  detayenan di kaso i e ora ei lo konkluí si tin base pa persiguí Martina òf no.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!