Persecusion peligroso diadomingo atardi den Paradera

7

Paradera/ Casibari – Diadomingo atardi patruya di Noord lo a bay pa controla un Toyota Yaris altura di Jaburibari, pero e homber na stuur a dicidi di core pa polis.

Mesora a start un persecusion den area di Nuñe, Paradera y a bay termina na Casibari.

Mester bisa cu ora di persecusion esaki ta sumamente pelligroso, debi cu e sospechoso su intencion ta huy pa polis y no lo stop pa nada di mundo.

Momento cu e auto aki a pasa dilanti di e kleuterschool Nos Paraiso na Paradera, un poco mas e lo por a dal peaton y otro autonan cu lo a caba di sali di Misa. Esaki ta debi cu e Yaris(rhd) tawata coriendo ariba acera.

Den un caya di tera na Casibari e chauffeur a baha core bay, lagando un slof di Adidas atras.

Varios unidad policial a yega pa yuda busca, pero sin resultado.

E auto a wordo confisca.