Pelea grandi di hoben y supuesto tiro a cay den area di club nocturno

1

Diadomingo den careda di 2’or di marduga, e area di J.E. Irausquin Blvd a bira un escenario di pura confusion. Cantidad di unidad di Polis a keda dirigi pa e zona di clubnan noctorno, specificamente dilanti di Giannis y The Village Mall, pa motibo di un pelea masivo entre hobennan.

Loke a sucede:
Segun testigonan den e area, e tension tabata halto entre e clubnan na The Village y South Beach Mall. Testigonan a raporta na autoridad cu nan a tende sonidonan cu tabata parce tiro durante e bululu aki. Camaranan di seguridad den e area a capta e momento cu mas di 5 persona tabata bringa cu otro violentamente.

Accion Policial:
Patruyanan a yega di tur skina y a staciona mesora dilanti Giannis. E grupo problematico a purba huy direccion Fat Tuesday, caminda security a persigui nan te den parkinglot, pero nan a logra perde den e scuridad.

Un hende golpia y herida:
Un homber a keda seriamente herida den e pelea. Personal di ambulance a presenta na e sitio pa brinda asistencia medico y a transporta e victima pa Hospital. Polis a keda den e area pa acumula tur informacion necesario y a start un buskeda pa e sospechosonan.