Pelea formal pafo di republica a caba cu dos homber herida

0

Diadomingo pasa di 3’or di marduga autoridad a keda informa cu ne club Republica situa na Tanki Leendert den e mall tin un caso di pelea formal a tuma luga, di biaha a mobilisa algun patruya policial pe sitio. Na yegada di e prome unidadnan a topa di berdad basta hende riba caminda y yen di auto bayendo, manra cu ta indica cu tabatin un bululu rato prome.

Polisnan a baha pa sa kico ta pasando y den un honda fit ta topa cu dos hende homber cu nan a informa di a keda hinca, y aki a pidi mas polis presenta ne sitio.

Oficialnan a cuminsa na busca mas informacion pa sa kico a sosode. A mira e posibel hincanan pero un di nan mas bien tabatin corta den su cara di posibel tiramento di boter cu por a dal e den su cabes. Pero nan ta bisa e pelea a caba na hincamento. Tur hende bebi ne sitio no tabata kier a papia y splica bon kico a sosode, no a keda nada otro cu nan di nan kier bay hospital di nan mes, pero tog ambulance a presenta pa paramedico haci control ne dos homber envolvi.