Peaton alcansa pa un Hyundai Accent riba Green Corridor – Aruba Native

Green Corridor – Diahuebs mainta pasa di 11’or polis y ambulance a bay cu urgencia riba Green Corridor, pa ta exacto na altura di Young Fellow.

Eynan segun informacion auto a alcansa un peaton, mirando cu ta un highway a pone nan yega cu urgencia.

Mientrastanto rotonde Seri Tijshi a wordo cera, desviando trafico pa zuid.

Polis a topa cu e peaton, cu danki Dios tawata “ok” pues levemente herida.
E auto cu a alcansa e peaton tawata para mas pariba, y riba caminda por a mira un rastro di brake y parti di spiek kibra riba caminda.

Segun chauffeur di e Hyundai Accent, e cabayero lo a baha di bus pazuid di caminda y a bay crusa pa e caminda pa bay panort.

E Hyundai Accent ta topa cu e peaton ya riba e di dos liña y ta trata na desvia pa no dal e pero lamentabelmente e spiel si a dal e cabayero.

Rapidresponder y tamve un ambulance tawata presente, y a hiba e cabayero cu a scapa Hospitaal.

Polis y Forensys tawata presente na e sitio.