Pasco pelea na cas entre dos homber a caba na hincamento

Diaranson pasco mainta na un cas na Ponton polis a keda informa di un pelea formal andando entre dos homber cu a bin termina na un persona hinca unda a mobilisa polisnan cu urgencia.

Na yegada di patruya a topa cu un persona na sanger cu un corta pero nada di gravedad. Ambulance tambe a keda solicita unda paramedico a brinda asistencia medico ne persona y constata cu no ta nada grandi cu ta un corta leve.

Ne sitio polis a detene e agresor y a keda transporta pa warda di Polis, mientras famianan a keda cas piki paña pa bay keda na un otro luga.