Connect with us
MVP Ad

PARLAMENTO NO POR HAÑA TUR INFORMASHON TOKANTE RAPÒRT DI ROBO 600 KILO

Local

PARLAMENTO NO POR HAÑA TUR INFORMASHON TOKANTE RAPÒRT DI ROBO 600 KILO

PARLAMENTO NO POR HAÑA TUR INFORMASHON TOKANTE RAPÒRT DI ROBO 600 KILO

PARLAMENTO NO POR HAÑA TUR INFORMASHON TOKANTE RAPÒRT DI ROBO 600 KILO WILLEMSTAD.- “Mi a pidi Ministerio Públiko pa bini ku un “beslaghuis” pa warda artíkulonan ku keda konfiská den e kadena hudisial”, ta loke ku minister di hustisia Quincy Girigorie a duna di konosé na prensa. E minister a trese esaki dilanti relashoná ku e kaso di robo di 600 kilo di kokaina for di warda di reshèrshi na Kaya Jose “Djo” Pinedo. For di òktober 2018 e robo a tuma lugá. Tambe el a bisa ku no ta tur informashon den e rapòrt Parlamento lo haña.

Minister a splika ku e no por papia dje investigashon den e kaso di robo aki ku ta den man di Ministerio Públiko. “mi no por papia di un investigashon. Asina un mandatario den pasado a papia di investigashon den un kaso, el a hañ’é den problema”, minister a indiká.

El a bisa tambe ku e rapòrt ku el a laga traha tokante di e robo ta unu atministrativo. Atministrativo den sentido ku a atendé e proseso di seguridat, tambe a wak otro rapòrtnan ku a traha den pasado dje situashon, pa analisá esakinan i pa bin ku rekomendashon.

Mas aleu minister a bisa di a sinta ku tur partner den kadena hudisial pa papia ku nan tokante di e rekomendashon dje rapòrt Atministrativo dje robo. Awor mester warda reakshon di e partnernan.

Minister a indiká ku el a pidi ministerio públiko pa traha riba un “beslaghuis” pa warda artíkulonan konfiská den e kadena hudisial.

Otro punto ku a bin dilanti den e rekomendashonnan ta ku e liderazgo di kuerpo polisial mester keda fortifiká i pa e liña di komunikashon por kana mas lihé i bon di tantu djariba bai abou komo visevèrsa.

Segun minister ora e ta kla di papia ku partnernan di den e kadena hudisial, e por bai parlamento ku e rapòrt. Asina mes no ta tur informashon por duna na parlamento di e rapòrt, pasobra tin kosnan ku tin di aber ku seguridat nashonal.

Pa loke ta trata e trabounan di seguridat rondó di e warda di reshèrshi, minister a indiká ku a hasi algun kos for di despues dje robo. Pero ta den e siman aki ta bai kuminsá ku trabounan pa e promé fase di e Plan di Seguridat. E echo ku a dura asina tantu pa e promé fase di e Plan di Seguridat por start ta debí na finansa di pais, minister a splika.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!