Connect with us
MVP Ad

PARLAMENTO LO REUNÍ HOSPITAL NOBO

Local

PARLAMENTO LO REUNÍ HOSPITAL NOBO

PARLAMENTO LO REUNÍ TOKANTE SITUASHON DI NOS KAYANAN I HOSPITAL NOBO

PARLAMENTO LO REUNÍ TOKANTE SITUASHON DI NOS KAYANAN I HOSPITAL NOBO – WILLEMSTAD. – Parlamento di Kòrsou e siman aki tin dos reunion. Komishon sentral di Parlamento di Kòrsou awe mainta for di 10 or di mainta lo deliberá ku Minister di Tráfiko, Transporte i Planifikashon Urbano Zita Jesus-Leito i Minister di Finansa Kenneth Gijsbertha enkanto situashon preokupante di nos kayanan. Punto di agènda a keda poné riba agènda pa kumpli ku 5 miembronan di frakshon di partido PAR Jesser El Ayoubi, Gisette Seferina, Ana Maria Pauletta, Curtley Obispo i Stephen Walroud.

Djamars 4 di yüni komishon sentral lo reanudá reunion ku a keda di skòrs di djaluna 12 di novèmber 2018 i djabièrnè  22 di febrüari 2019 i yamá pa djaluna 27 di mei 2019 ku entre otro e punto di agènda: ‘Deliberashon ku Minister di Salubridat, Medio Ambiente i Naturalesa enkanto trayekto di konstrukshon di Hospital Nobo Otrobanda konforme moshonnan di Parlamento (29 di òktober 2013 i 24 di aprel 2018).’ Reunion lo kuminsá mañan 10 or di mainta.

Parlamento tambe a duna di konosé ku e reunion di Komishon Sentral ku a keda di skòrs djamars 23 di òktober 2018 i yamá pa djaweps, 6 di yüni 2019 ku e punto di agènda: “Deliberashon ku Minister di Hustisia enkanto seguridat den e kadena hudisial”, ta keda kanselá te ku un próksimo aviso.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!