PARLAMENTO A DEBATI TOCANTE CUIDO DI ADULTONAN MAYOR – Aruba Native

Diahuebs ultimo Minister di Asunto Social Mervin Wyatt-Ras tabata den Parlamento pa elaborariba su maneho di adultonan mayor.

“Mi a scucha cu hopi atencion pa scucha kiko nos ta bai hasi pa yuda nos adultonan mayormehora nan calidad di bida. Pasobra e desafionan y retonan ta grandi. Pesey den nos gobierno, Gabinete Wever-Croes 2, nos a apunta un ministerio especial pa cuido di adulto mayor, cu e gobierno aki lamentablemente a elimina. Pesey nos a bin cu Directie Ouderenzaken, un logro di nos gobierno di cual mi ta hopi orguyoso, y mas orguyoso ainda di mira cu gobierno a continua cu e proyecto aki.

Pero mi a keda hopi desapunta, pasobra ora cu mi a pensa cu despues di un anja di gobernacionAVPFuturo, ya tin planes concreto den ehecucion, cu nos adultonan mayor por mira di berdad cu tin mehoransa pa nan, no tin. Awe mi a scucha e minister bisa 73 biaha cu e sondeando, e ta wardnado e sondeo. Despues di 1 anja di gobernacion ainda bo ta sondea? Esey no ta bon. E gobierno aki tin maximo dos anja mas pa implementa nan vision, esey ta si gobierno no cai prome. Pasobra despues campanja ta cuminsa y ta bin eleccion.

E problema ta urgente, y pesey mirando e bashi cu gobierno a laga, Parlamento a presenta 4 mocion. Mi ta hopi orguyoso di mira e mocionnan cu e parlamento aki a trese padilanti. Mocionnan cu ta pidi strategia y pasonan concreto den 2 luna y mocionnan pa genera entrada pa logra e metanan. Tur 4 mocion a wordo aproba unanimamente.”Lider di Fraccion di MEP a declara na final di e reunion.