Connect with us
MVP Ad

PARLAMENTARIO MIKE DE MEZA: PROME MINISTER EVELYN WEVER CROES A CONFIRMA CU NO TA BAY SIGUI CU REAPERTURA DI REFINERIA

Caribean

PARLAMENTARIO MIKE DE MEZA: PROME MINISTER EVELYN WEVER CROES A CONFIRMA CU NO TA BAY SIGUI CU REAPERTURA DI REFINERIA

Prev1 of 2
Use your ← → (arrow) keys to browse

PARLAMENTARIO MIKE DE MEZA: PROME MINISTER EVELYN WEVER CROES A CONFIRMA CU NO TA BAY SIGUI CU REAPERTURA DI REFINERIA

PARLAMENTARIO MIKE DE MEZA: PROME MINISTER EVELYN WEVER CROES A CONFIRMA CU NO TA BAY SIGUI CU REAPERTURA DI REFINERIA –  ORANJESTAD.- Den forma categorico Prome Minister Evelyn Wever Croes, a mustra cu su Gobierno no ta interesa den sigui cu e proceso di reapertura di e refineria na San Nicolas ora cu el a declara siman cu a pasa, cu nan lo bay Merca y haci ultimo intento pa logra esaki.

Miembro di fraccion di AVP, sr. Mike de Meza a mustra cu ya caba el a mustra riba esaki anteriormente, esta cu Gabinete Wever Croes lo keda na bisa solamente si bay di acuerdo pa no laga e refineria habri.

“Nos a bisa bon cla caba, cu exitencia di coalicion MEP-POR-RED a depende di e refineria ya cu e partido mas grandi den e coalicion aki, tin cu bay na amen di e partido POR su lider, kende kier mira su proyecto di hotel na San Nicolas wordo ehecuta.

Siman pasa caba Prome Minister a mustra malo ora cu Corsou si a logra na yega na un acuerdo cu Departamento di Estado Mericano, pa coopera p’asina PDVSA por los fondonan cu tabata necesario p’e sigui funciona.

Esaki a wordo logra a base di esfuersonan haci pa tanto Gobierno di Corsou como otro expertonan envolvi cu a percura pa haya un solucion p’e problema cu tambe tabata afectando e refineria di Corsou.

Sinembargo aki na Aruba tabata bisto cu Gabinete Wever Croes no tabatin nocion di loke nan tin cu haci, no tabata sa nada, pero net nada di e refineria, ya cu nunca antes nan a pone atencion n’e proceso aki y solamente a haci politica barata cu e proyecto aki.

Awor algun dia despues cu Gobierno di Corsou a anuncia cu el a yega na un solucion cu autoridadnan Mericano, di repiente Prome Minister Wever Croes ta declara c’un delegacion di Aruba lo sali rumbo pa Merca pa haci ‘ultimo’ intento pa logra haya un solucion p’e refineria di Aruba.

Pero aki tin cu pone bon atencion n’e hecho cu ningun hende sa kendenan ta forma parti di e delegacion aki, no ta conoci si tin representantenan di CITGO den esaki, pues ningun hende sa kico e delegacion misterioso aki a bay haci.

Prome Minister no a duna informacion concreto di kico e mision di ultimo recurso aki ta bay trata di logra, pero si ta bisa cu esaki ta ultimo intento, loke nos ta kere cu aki poco dia Gabinete Wever Croes lo bin bek y anuncia cu e proceso di reapertura lo termina.

Fuera di e bishita kamikaze aki cu Prome Minister ta manda Merca, a keda confirma siman pasa ora cu e documento di e plan economico di Gobierno a wordo presenta, no ta menciona ningun caminda algo riba e refineria, pues e refineria no ta conta den e plan economico di Gabinete Wever Croes, pero Prome Minister ta sigui hunga su comedianan y ta sigui gaña pueblo, segun Mike de Meza.

Prev1 of 2
Use your ← → (arrow) keys to browse

More in Caribean

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!