Connect with us
MVP Ad

PAISNAN DI NIVEL MEDIANO I ABOU TA PÈRDÈ MIÓNES NA ENTRADA DI BELASTING

Local

PAISNAN DI NIVEL MEDIANO I ABOU TA PÈRDÈ MIÓNES NA ENTRADA DI BELASTING

PAISNAN DI NIVEL MEDIANO I ABOU TA PÈRDÈ MIÓNES NA ENTRADA DI BELASTING

PAISNAN DI NIVEL MEDIANO I ABOU TA PÈRDÈ MIÓNES NA ENTRADA DI BELASTING –  Debí na kontrabanda di sigaria

WILLEMSTAD – Komersio ilegal di produktonan di konsumo sea ta den forma di kontrabanda, falsifikashon òf e falta di kumplimentu korektamente ku impuesto, ta un problema global kresiente ku ta afektá paisnan den nan kapasidat di kobra impuesto. E ta afektá empresanan  legítimo i konsumidónan ku ta keda konfrontá ku produktonan pa konsumo ku no ta kumpli ku e normanan di kalidat nesesario pa uso humano. Apesar di tur esaki, kontrali na e kantidat di lei ku a keda desaroyá pa kontrolá labamentu di plaka mester yega na e konklushon ku ta masha tiki a hasi realmente den e esfera di komersio ilegal di produkto i servisionan.

Komersio ilegal ta afektá paisnan globalmente den nan kapasidat pa kobra impuesto manera mester ta. Informashon suministrá pa Bloomberg Philanthropies ta indiká ku  11.6% di merkado mundial di sektor di sigaria ta pertenesé na merkado ilegal den su diferente variedatnan. Kalkulo ta indiká ku  peso mas grandi ta kai riba paisnan ku tin un nivel di entrada generalmente abou. E sifra ariba menshoná di 11.6% di merkado ta enserá un suma serio. E ta nifiká 657 miar dòler pa aña loke ta representá un pèrdida di entrada igual na 40,5 mil mion dòler pa aña.

Komersio ilegal di sigaria ta mas haltu na paisnan di entrada mediano i abou unda konsumidónan ta buska alternativa mas barata pa asina sigui ku bisio. Den e kuadro ei por bisa ku e faktornan prinsipal ku ta stimulá kontrabanda ta e fasilidat i kosto di kontrabanda di tabako, e presensia i nivel di desaroyo di krímen organisá, e presensia di retnan di distribushon informal i e nivel general di korupshon i e tendensia pa fásilmente subi impuesto riba produktonan di tabako.

Empresanan legítimo di sigaria ta bira víktima di kompetensia inhustu ku ta lanta na momentu ku nan mester kompetí ku produktonan ku ta drenta pais sin ku a kumpli ku pago di derecho di importashon i otro impuestonan i ku asta ta violá reglanan di distribushon i reglanan di konsumo ku ta keda imponé riba empresanan legítimo di sigaria. Esaki ta generá un desbalansa ku ta faboresé e komersio ilegal riba produktornan formal. Kontrabanda i falsifikashon di marka meskos ku sistemanan pa evitá kumplimentu ku belasting ta hasi daño na e distribushon formal di sigaria, kual ta kai kontra kompetensia inhustu. Esaki na su turno ta nifiká pèrdida di kuponan di trabou, di e marka i e klima di hasi negoshi den e paisnan.

Komersio ilegal ta hasi hopi daño na konsumidó na diferente manera. Di un banda e ta forma un fuente pa finansiamentu di terorismo i krímen organisá rònt mundu. Ta trata di un negoshi  grandi segun e departamento di Nashonnan Uni kontra droga i krímen (UNODC). Krímen organisá internashonalmente ta generá aproksimadamente 870 bion na ganashi i e ta ekivalente na 1.5% di e produkto nashonal brutu mundial. Adishonalmente e 15 gruponan terorista di mas influensia mundialmente ta usa komersio ilegal di sigaria pa finansiá terorismo,  pa medio di kua nan ta spònser trafikashon humano, trafikashon di droga i arma.

Kresementu rápido di komersio ilegal ta mina e esfuersonan di organisashonnan internashonal i di e paisnan ku konhuntamente ku e industria di sigaria ta lucha pa mehorá e kalidat di bida di konsumidónan. Ta bende sigaria di kontrabanda sin mas i no ta duna sosten na kampañanan edukashonal  i muchu ménos na programanan di responsabilidat sosial ku e sektor ta promové.

Komersio ilegal di produktonan di konsumo no solamente ta representá un problema serio, ku ta afektá paisnan den kobransa di impuesto, pero na mes momentu e ta afektá empresanan i konsumidónan legítimo kendenan ta haña nan ta usa produktonan ku no ta kumpli ku e nivel di kalidat ku ta eksigí.

Alabes el a bira un di e faktornan prinsipal den e lucha kontra labamentu di plaka i tambe trafikashon di droga, terorismo i trafikashon.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!