Pa drecha e caminda brug dam Rooi Afo unda e talud a kibra ta costa casi 1 miyon florin

Dialuna e director interino di DOW sr Francis Gomez durante un conferencia di Gobierno a splica di camindanan cu lo bay keda drecha durante 2025 padilanti ya cu tin un begroting aloca di 14 miyon florin pa camindanan keda drecha pa kita capa di asfalt bieu pa pone nobo.

Recien 11 di februari Polis y DOW a cera e brug di dam di Rooi Afo unda a constata cu e talud cu tin mas cu 50 aña cu ta e rand di caminda ta den super mal estado y ta kibrando. Pa evita cu trucknan pisa cu ta pasa e caminda aki sigui kibra e rand y autonan cu ta trafica y pasa un desgracia a opta pa cera e caminda aki te cu proximo aviso.

Por a tuma nota den e lista di begroting pa renobacion di caminda aki di 120 meter di largura ta costa DOW por lo menos 900.000,00 florin. Ta desconoci ainda ki tempo e trabounan lo cuminsa pa renobacion di e talud cu te rand di e caminda y e caminda mes parti ariba.

Momento cu esaki ta conoci DOW Aruba sigur lo anuncia den medianan.