OTRO PILDER GLP-1 PA BAHA PESO TA RICIBI APROBACION DI FDA Y TIN MENOS RESTRICCION DI USO

E Administracion di Alimento y
Remedi di Estados Unidos (FDA) a
aproba e di dos pilder GLP-1 pa perdida di
peso, locual ta agrega otro opcion na un
arsenal di tratamentonan contra
obesidad.

​E pilder di orforglipron, yama
Foundayo, ta wordo fabrica pa Eli Lilly, cu tambe
ta comercialisa e remedinan GLP-1
Zepbound pa obesidad y Mounjaro
pa diabetes. Esakinan ta wordo administra
pa medio di inyeccionnan semanal y, hunto
cu e farmaconan rival Wegovy y
Ozempic, nan a transforma e
tratamento di perdida di peso y
diabetes, cu miyones di hende cu
ta utiliza nan.

Foundayo ta yega na mercado apenas lunanan
despues cu FDA a aprueba e
version den pilder di e remedi
inyectabel pa obesidad Wegovy, di
Novo Nordisk. Tur dos pilder ta ofrece
un forma nobo pa tuma remedinan
GLP-1, yama asina pa e hormona cu
nan ta imita y cu ta clave pa apetit,
digestion y regulacion di insulina. Eli
Lilly ta afirma cu Foundavo ta representa un
avance pasobra, contrario na e pilder
di Wegovy, e por wordo tuma na cualkier
ora di dia y sin restriccion di cuminda
of awa.