Connect with us
MVP Ad

ORGANOGRAM KU OFISINA DI KÒNSÙLTENT KU A TRAHA PA CMC A RESULTÁ UN VUPÁ

Local

ORGANOGRAM KU OFISINA DI KÒNSÙLTENT KU A TRAHA PA CMC A RESULTÁ UN VUPÁ

ORGANOGRAM KU OFISINA DI KÒNSÙLTENT KU A TRAHA PA CMC A RESULTÁ UN VUPÁ

ORGANOGRAM KU OFISINA DI KÒNSÙLTENT KU A TRAHA PA CMC A RESULTÁ UN VUPÁ –

Direktor aktual di CMC mes ta korigiendo e fayonan WILLEMSTAD. – For di un fuente hopi yegá ku desaroyo den HNO o sea Curaçao Medical Center (CMC) ta indiká ku tin hopi plaka ta keda pagá na kònsùltent sin haña e trabounan na drechi o sea trabounan ku ta keda na mitar. Ta manera ku asina tin proyektonan grandi, tin sierto kònsùltent nan ku no por keda for di e proyektonan aki. Ta parse ku tur instansia mester haña parti di e bolo, sea ku nan por òf no por hasi e trabou. Esaki ta loke ku por dedusí for di e fuente ku a señalá algun vupá di parti di  kònsùltent renombrá ku a traha pa CMC.

Un di e ofisina di kònsùltent a yuda ku organogram, kon  CMC mester bai funshoná. Pero ora nan a kaba ku e trabou, e organogram a resultá di ta un káos, pa motibu ku nada no tabata kuadra. Defakto te ainda ta hasiendo kambio nan i koregí loke e ofisina di kònsùltent a hasi robes.

Despues ku a paga e kònsùltent hopi plaka ta e aktual direktor di CMC mes ta hasiendo kambio di struktura, lokual nos fuente ta konsiderá un bon trabou tumando lugá, pa motibu ku e loke ku e ofisina di kònsùltent a pone riba papel lo no a funshoná. Den un palabra, plaka tirá afó, asina e fuente a duna di konosé. Pa motibu ku awor aki ta ku forsa di paden mes ta realisando tur e kambionan nesesario pa pone e organogram funshoná.

Un otro ofisina di kònsùltent renombrá tambe a drenta pa haña un pida di e bolo. Pero dor ku nan tabata asina karu a yega un momentu dado ora ku e transishon a dura asina tantu ku no por a paga nan mas. E ofisina aki no a pèrdè pa gana i a bai sin kaba e trabou, pues den e kaso aki a paga e ofisina di kònsùltent aki pa mitar trabou. Tur e hendenan ku tabata traha pa e ofisina di kònsùltent aki, ta hendenan ku a bin for di Ulanda, pues un gastu enorme.

E fuente a duna di konosé ku ta di spera ku e direktor por limitá e gastunan i tambe kuminsá tene ofisinanan di kònsùltent afó i laga forsa di paden mes kaba loke ku mester kaba awor aki, ounke ku e trabounan ta hopi.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!