Diahuebs 1 di Mei, e open dag Anual di Kazerne di Marina Savaneta a tuma luga. Di 10:00 or te 16:00 or e Kazerne a habri su portanan pa publico cu un programa varia pa grandi y chikito.
E open dag a brinda un escala amplio di actividad y demostracion, durante cu bishitantenan por a ricibi un bista unico den e labor di Defensa y su sosionan di siguridad strategico. Cuerpo di Marina, Militarnan di Aruba, Programa di Entrenamento Sosial (Sociaal Vorminstraject SVT), Marechauche Real, Warda Costa Region Caribe, Cuerpo Policial Aruba y Cuerpo di Bombero di Aruba tabata presente pa demostra kico nan tin den cas.
Durante e dia tabatin demostracion tanto riba tera como riba laman, durante cu diferente senario a keda imita. Banda di e demostracionnan aki Haerfen, Honeypot, Lightskin Rasta y Jralph a zorg pa muziek live, presejte Cool/Fresh FM live radio, stentnan di mercado y trucknan di cuminda cu a provee bishitantenan cu cos dushi y recuerdonan pa hiba cas
Un bunita punto culminante tabata e sosten na organisacionnan caritativo pa medio di benta di ticket di loteria, sopi di bonchi berde, pechi, mug, kalender y otro articulo tremendo. En total cu e benta a recauda AWG 27.500. E entrada completo e aña aki ta bay pa dos organisacion caritativo: Fundacion Pas Nos Comunidad y House of Skate Aruba.
Un otro momento special tabata e open dag special riba diaranson, 30 de april, pa 80 mucha di Scol Caiquetio. E muchanan aki pa motibo di nan restriccionnan no por a participa den e dia habri regular. P’esei nos a invita nan un dia prome, pa asina nan tambe por a disfruta di un dia dibertido den e mundo di Defensa.
E exito di e open dag di Kazerne di Marina Savaneta ta danki na e esfuerso di tur esnan envolvi y e hopi bishitantenan entusiasma cu a bin tira un bista. E evenemento no solamente ta aporta na engrandese e conscientisacion tocante e trabounan di Defensa y e sosionan strategico di siguridad, pero esaki a brinda tambe un sosten valioso na dos organisacion caritativo. Te otro aña riba 1 di Mei 2026!
Source link
