Connect with us
MVP Ad

‘NOS TEI PA PARA E BAGAMUNDERIA KU TA TUMA LUGÁ DEN E PAIS AKI’

Local

‘NOS TEI PA PARA E BAGAMUNDERIA KU TA TUMA LUGÁ DEN E PAIS AKI’

‘NOS TEI PA PARA E BAGAMUNDERIA KU TA TUMA LUGÁ DEN E PAIS AKI’

‘NOS TEI PA PARA E BAGAMUNDERIA KU TA TUMA LUGÁ DEN E PAIS AKI’ – WILLEMSTAD. – ‘Steven Martina wòrdu konsiderá dor di Ministerio Públiko komo un estafador. I loke nos ke bisa awor ta ku djabièrnè awor e keho lo wòrdu entregá na Hof. I for di esaki mi ke bisa Hof ku si nan tin den nan kabes pa bin ku weganan polítiko, sali for di e weganan polítiko. Pasobra e no ta bai.’ Asina lider di partido polítiko Kòrsou di Nos Tur Amparo dos Santos a bisa ayera durante rueda di prensa di su partido.

Manera ta konosí Carlos Monk, huntu ku parlamentarionan pa partido Kòrsou di Nos Tur Meindert ‘Menki’ Rojer i Amparo dos Santos dia 14 di desèmber 2017 a entregá keho kontra Martina. Siman pasá Ministerio Públiko a duna di konosé ku ‘OM ta konkluí ku señor Martina, den Konseho di Minister, a tuma parti den e proseso pa tuma desishon tokante konsepto di lei pa kambia tarifa di seguro WA obligatorio. Dor ku señor Martina na e momentu ei tabatin akshon den un kompania di seguro, e tabatin un interes komersial den e desishon.

 

Pa e motibu aki a base di e Lei di Integridat, e no por a partisipá na tumamentu di e desishon aki. Awor ku esaki a sosodé, segun OM, un echo kastigabel a wòrdu kometé.’ Ministerio Públiko tòg a disidí pa terminá e investigashon kontra Martina i a tuma e desishon pa seponé e kaso bou di sierto kondishon. Dos Santos awor a bisa ku nan bai Korte Komun di Hustisia konforme artíkulo 15 di Wetboek van strafvordering pa obligá OM persiguí Martina.

Ayera Dos Santos a splika: ‘E kos aki ta un kos hopi grave. Na e momentu aki e pueblo ta bou di un shòk di loke Steven Martina a hasi. E no ta e promé kos ku Steven Martina a hasi.’ Dos Santos a menshoná entre otro ku Martina tabata enbolbí den un kaso den aña 2013 ora e tabata minister pa partido PAIS. Segun Dos Santos e tabata enbolbí un kaso di 3 mion ku ta na interes di e pueblo aki. Segun Dos Santos Martina tin ‘un malesa kaminda tin plaka. E kos aki tin ku stòp’, segun Dos Santos. Pa e motibu nan lo aserká Hof. ‘Nos tei pa para e tipo di bagamunderia ku ta tuma lugá den e pais aki.’

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!