Connect with us
MVP Ad

NO TA UN, PERO DOS INTENTO HUIDA DI INDOKUMENTADONAN TABATIN

Local

NO TA UN, PERO DOS INTENTO HUIDA DI INDOKUMENTADONAN TABATIN

NO TA UN, PERO DOS INTENTO HUIDA DI INDOKUMENTADONAN TABATIN

NO TA UN, PERO DOS INTENTO HUIDA DI INDOKUMENTADONAN TABATIN –  WILLEMSTAD.- No ta un intento di huida tabatin, pero dos intento di huida di indokumentadonan for di barak na prisòn, djabièrnè último, 17 di mei. Esaki ta loke ku minister Quincy Girigorie a duna di konosé ayera durante di un mini-plenario ku minister di hustisia.

Djabièrnè último 9 dama indokumentá ku tabata será den e parti di hende muhé den prisòn, a logra di sali for di e parti será aki, i a trata di hui. Wardadónan di prezu a topa ku e damanan tabata kana den gang purbando pa sali bai pafó.

Awor ta resultá ku e hende hòmbernan tambe a trata di hui riba e mesun dia aki. bewakernan a topa nan ta zag trali di e baraknan atrobe pa por bandoná e kompleho. Debí na esaki a manda e hòmbernan awor na otro lokalidat den prisòn pa por kaba di drecha e baraknan.

Ademas a drecha e sistema di tralinan di e baraknan mas mihó di manera ku ta difísil pa e indokumentadonan por kibra e fasilidat.

Mas aleu minister Girigorie a bisa ku awor aki ta konstruí e kompleho di barak nobo ku mester terminá fin di e luna aki, mas mihó pa evitá huida. Pasobra awor aki ta 20 hende ta drumi huntu i asina nan por kometé e akto di huida fásilmente. Awor ku ta drechando baraknan, a disidí ku ta dos indokumentado den kamber, pa evitá ku nan tin kontakto ku otro i plania plan di huida.

Ambos intento huida di djabièrnè último  tabata planiá minister a splika. Pasobra lo tabatin hende ta para warda e indokumentadonan.

Tambe a saka afó ku den e sekshon di barak, e indokumentadonan tin akseso na telefòn ilimitá, i por yama kuantu ku nan ke di paden i pafó. Aki tambe tin di bai na kontrolá esaki, segun minister Girigorie. E ta kere ku hasta lo mester wak den otro paisnan kon ta sera hendenan indokumentá i kon ta atendé ku nan.

E indokumentadonan tin di warda nan kaso kaba di atendé na korte Oropeo, kual tratamentu lo tuma lugá te den luna di yüni próksimo. Pues nan tin hopi di warda e proseso aki.

Den ménos ku dos siman tabatin un huida masal di indokumentado for di barak na prisòn di 21 hòmber. Nan a mara laken na trali i fòrsa esaki di manera ku nan a bai. E echo aki a tuma lugá dia 8 di mei i djabièrnè atrobe dos intento.

Den e intento di dia 8 di mei, dos wardadó di prezu a keda poné riba non-aktif, pasobra segun minister Girigorie via di kámaranan ku tin na e fasilidat por a mira ku e kontròl dje dos wardadónan di prezu e momentu ei a laga di deseá dor di kual nan faya i a pone nan riba non-aktif.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!