Connect with us
MVP Ad

NO TA GOZA DI SOSTEN DI SINDICATO DI POLIS

Caribean

NO TA GOZA DI SOSTEN DI SINDICATO DI POLIS

NO TA GOZA DI SOSTEN DI SINDICATO DI POLIS

NO TA GOZA DI SOSTEN DI SINDICATO DI POLIS – ORANJESTAD. – Di acuerdo cu opinion di Evelyn Wever Croes e kier yega na un protocol bon Gobierno di Reino Hulandes por yuda den proteccion di nos fronteranan cu Marina Real, dunando asistencia na Cuerpo Policial, pasobra loke Aruba kier, ta tranquilidad y seguridad.

Un peticion cu Prome Minister Evelyn Wever Croes a haci na Hulanda pa tene cuenta cu e impacto cu e crisis Venezolano tin pa Aruba.

 

E ora ey, Hulanda a duna di conoce cu lo pone 23.8 miyon euro disponible pa atende cu e crisis. Di e 23.8 euro aki, no nifica cu Aruba lo pone esaki den placa, pero con lo yuda Aruba cu personal, boto, radar, etc., y tur otro necesidad pa duna mas asistencia.

POLIS

Unabes cu e pensamento di Prome Minister Wever Croes a bira conoci, Sindicato di Polis a laga sa di no ta di acuerdo cu e intencion aki.

Ayera merdia Sindicato di Polis Aruba (S.P.A.) a expresa nan desacuerdo cu e expresion di Minister Presidente mr. Evelin Wever-Croes, den cual e ta anuncia atrobe di lo envolucra Marina Real den trabounan di Polis.

“Cuerpo Policial semper ta welkom ayudonan externo. Pero esey semper mester tuma lugar bou di supervision di nos Alto Comisario”, asina Jose “Joselito” Dirksz, Presidente di SPA a duna di conoce.

 Kisas pueblo no ta na altura, pero e “gewelds instructie” di Marina Real ta completamente
diferente n’esun di Polis. Bisando esey, e sindicato kiermen cu e leynan cu ta duna un militar autoridad pa actua ta diferente n’esun di un Polis.

Den e caso aki, Polis tin mas autoridad pa atende cu civilnan, pero Militarnan tin ley cu ta cubri nan pa uza forsa excesivo.

No ta imagina cu t’esey Gobierno ta desea pa sosode na nos fronteranan, p.e. cu lo uza arma pisa ora di atende cu Venezolanonan cu ta yega Aruba den desesperacion buscando un mihor porvenir pa nan famia.

Asina e Presidente di Sindicato di Polis a vocifera, cu ora papia di uza forsa Militar na nos fronteranan.

Polis y Militarnan sa entrena hunto na mas di un ocasion, pero cada ken tin nan autoridad y ta purba pa no subi tereno di otro.

Sindicato di Polis ta lamenta cu pa basta tempo a priminti un radar pa nos isla, cu lo facilita e trabou di control na nos costanan, pero te dia di awe, nada!

“Pa nos e radar sigur tin mas prioridad cu e helicopter, mirando e situation cu nos ta bibando aden cu nos pais bisiňa Venezuela”, di acuerdo cu e sindicato cu ta representa Polis di Aruba.

Na final, Joselito Dirksz a bisa di ta spera cu Gobierno tene bon cuenta cu e puntonan cu nan sindicato ta mencionando aki.

Continue Reading
Advertisement
You may also like...

More in Caribean

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!