Connect with us
MVP Ad

NO A INVERTÍ DEN INSTRUMENTO NI EKIPO PERO KE BAHA GASTU MÉDIKO

HOSPITAL NOBO NO TA HABRI PROMÉ KU TIN GARANTIA KU TUR KOS TA KANA BON

Local

NO A INVERTÍ DEN INSTRUMENTO NI EKIPO PERO KE BAHA GASTU MÉDIKO

NO A INVERTÍ DEN INSTRUMENTO NI EKIPO PERO KE BAHA GASTU MÉDIKO

NO A INVERTÍ DEN INSTRUMENTO NI EKIPO PERO KE BAHA GASTU MÉDIKO – Karta kayente di Urólogonan na minister Camelia-Römer

WILLEMSTAD.- E sosiedat di Urologia a manda anteriormente un “Brand brief” pa minister Camelia-Römer i nunka a haña reakshon riba esaki. I p’esei awor nan a disidí di manda un karta pero via di prensa.

E sosiedat a tuma nota den prensa di minister Camelia-Römer su konklushon di ku ehekushon di seguro básiko na 2013 no a sòru pa un bahada di e gastunan di salubridat manera a spera. E ophetivo awor di SVB ta pa spar 70 mion pa aña. No a stipulá kon esaki lo mester tuma lugá i tampoko kiko e konsekuensianan lo ta pa kuido. Pa e provedornan di atenshon médiko ke introdusí un asina yamá DBC (Diagnosis Treatment Combination), un plafòn pa produkshon i kontraktnan di kuido.

E pregunta di e Urólogonan ta kiko ta laga minister kere ku esakinan lo sòru ku ta bai baha gastunan den salubridat.

E urólogonan ta bisa di a traha na Ulanda kaminda Urologia tabata e spesialismo den desaroyo i introdukshon di BDC. A kostanan hopi tempu i energia e tempu ei. I nan ta puntra si minister sa kiko e konklushon ta awe 20 aña despues.

Na promé lugá e no a hasi  e kuido mas barata i na di dos lugá ta un fin di hende ta traha den hospitalnan enkargá ku ehekushon, kontròl i kuido di tur e reglanan ei. Esaki ta hendenan ku nunka a sòru pa un pashènt pero ta gana dos biaha mas ku un enfermero. Nan ke sa unda minister ta bai saka e hendenan aki i kon ta bai paga nan i mas ainda ku e défisit ku tin.

Awor ke baha gastu di manda hendenan afó pa rasonnan médiko dor di tres dòkternan di afó aki. Ta esaki a bin ta hasi pa hopi aña.  Pa operashonnan urológiko di mucha kompliká ta trese dr Klijn di AUMC Utrecht Kòrsou. Tòg e mandamentu di hende afó a subi último añanan di forma eksplosivo i esaki pasobra no a invertí den instrumento i ekipo. I ta e mesun ekiponan aki e profeshonal ku ta bin di afó mester pa traha kuné.

Por ehèmpel un Holmiun Laser pa kibra piedra. Of ta kumpra unu pa e urólogonan di afó i no pa esnan lokal.

E urólogonan a invitá minister pa bishitá nan ofisina riba djárason na Sta. Rosaweg.  Riba djasabra pasobra e dia ei tantu dr. Isa komo dr. Bade huntu ku un enfermera di urologia i 3 sekretaria ta drei un poli ambulante. No tin kaminda pa pone hende sinta.

Nan ke sa di minister no ta kere ku nan ta konsiente di e kombinensia di redusí e demanda di atenshon. I ya nan a  purba esaki kaba. Na Ulanda tin un urólogo pa kada 40 mil habitante i na Kòrsou tin 3 urólogo pa 160 mil habitante i mas ainda sabiendo ku na Kòrsou tin mas pashènt riba 60 aña.

Ta kon lo ke redusí e demanda di atenshon òf kisas minister ta referí na “Zorg onthouden” esta kòrda riba e kuido. E urólogonan ke sa ken i kon ta kere ku awor ku e medidanan aki, banda di introdukshon di BZV lo bai kondusí na bahada di gastunan.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!