174
Diasabra bahada di solo pasa di 7’or un persona atento den area di moomba a capta basta pafo di lama den direccion nort un kitesurfer cu posibel problema di drenta y suso ta kedando riba lama mientras tur hende ta na canto. E persona a yama Polis reporta di biaha e scenario aki. Ta straño cu ningun otro hende no a capta e movecion pafo riba lama un persona luchando pa yega bek canto debi ne biento y coriente di lama.
Di biaha a mobilisa patruyanan den area di Arashi, Malmok pa wak si ta mira algo of topa mas hende pero nada. A notifica tambe kustwacht di e caso aki, pero no tabatin helicopter den aire y pa e sali di Curacao pa yega Aruba ta dura un momento. Den careda di 9’or di anochi personanan pasando riba LG Smith/Malmok a keda para pa un homber bandi caminda sinta pidiendo ayudo.
E homber ta un persona local y a declara ne personanan cu e ta cansa y a confronta problema riba lama y a lucha cu e biento y coriente pa drenta paden pa mas di 2 ora. El a guli basta awa.
Polis a yega di biaha na Malmok y a topa cu e homber y a declara cu berdad e ta basta cansa y a guli basta awa salo di lama y a bringa pa bin aden cu e biento fuerte y e coriente di lama. Ambulance tambe a presenta di biaha ne sitio, y e homber contento cu e ta na bida y su palabra ta “ Na werki ma landa hopi “ paramediconan di biaha a hinca e homber den ambulance atende cune rapidamente.
Follow the story