Muhe bebi a dal semi frontal cu otro auto na Santa Helanstraat

Diadomingo anochi riba caminda di Santa Helenastraat pa Madiki ta sosode un accidente cu impacto fuerte, un honda fit cora a bay den banda contrario na su man robes dal contra di un byd blanco bahando di pariba.

Ambos auto a keda basta kibra, ambulance a presenta debi cu tabatin un señora cu dolor na pecho. Mes momento dos hende muhe den e honda fit cora tabata discuti debi na buracheria y tabata busca problema cu tur hende. Polis a keda solicita di biaha. A topa cu di berdad dos hende muhe, a pone e dama supla cu t’e chauffeur pero no tabata por. Su amiga cu tabata basta fastioso mes y no tabata scucha di autoridad tambe a keda deteni pa relax curpa na warda di polis. Takelwagen a presenta pa kita e auto fo’i caminda.