Diadomingo marduga riba caminda di Arashi un skyline por poco a dal frontal den un auto di Polis y aki e patruya a sigui su tras cu luz y sirena, a perde e auto fo’i bista den e birada skerpi di Arashi pa Malmokweg caminda pa Tierra del So. Polis yegando e birada skerpi di Tierra del Sol direccion Malmokweg pa bay zuid a topa cu stof ta bay halto y a mira un auto gebolter hinca den matanan di kwihi. Un homber a sali foi e auto tur spanta, y a indica polis cu su amiga ta pega den e auto no ta reacciona mas.
Polisnan a bay ne auto y a mira cu e dama edad jong no ta duna señal di bida y ta basta herida. A pidi autoridad competente presenta. Ambulance tambe a presenta a controla e chauffeur y a bay wak e dama y a tuma nota cu mucho mas no por haci. A noticia e dokter pa presenta y constata morto.
Specialista di trafico tambe a presenta ne sitio pa haci nan investigacion y a detene e chauffejr di edad jong. A constata velocidad halto pa core pa polis y casi dal den auto di Polis y a conduci na accidente fatal, unda pa culpa di e chauffeur pa core iresponsabel a cobra bida di e pasabero mucha muhe.
Follow the story