Mucha chikito di 1 aña canando suso riba caminda na Sabana Basora

Diadomingo den careda di 2:45 atardi un persona atento pasando riba caminda di Sabana Basora bandi calidad supermarket a topa cu un criatura chikito canando suso riba caminda. E persona a para baha atende cu e mucha y yama Polis di biaha debi cu e situacion ta uno serio.
Patruya di San Nicolas di biaha a presenta ne sitio y a topa cu e chikitin y e persona cu a haye.

A constata cu e mucha tin 1 aña di edad, y tabata suso riba caminda. Polisnan no a basila y a cuminsa busca rond pe mayor y a topa cu esaki despues di rato. A atende cu e mama debidamente pero a opta pa bay warda di San Nicolas cu tanto e chikitin y e mama pa Janine di Slachtofferhulp atende cu e situacion serio, pasobra otro biaha algo otro pio por pasa cu e chikitin aki cu cualkier hende mente loco of auto por dal e.