Motociclista a dal basta duro den muraya di rotonde WVB Bushiri y a keda seriamente herida

Diadomingo marduga autoridad a keda informa cu riba WVB ne rotonde Bushiri pa Madiki Kavel tin un accidente pisa cu brommer y un homber benta abou cu herida serio na cara, di biaha a mobilisa Polisnan cu urgencia pe sitio y na yegada di patruya ta topa cu di berdad un harley davidson benta abou y un homber cu cara tur na sanger.

E homber no tabata reaccionando mucho bon na papia di hende, e tabata bayendo off, y a solicita ambulance cu maximo urgencia di cual tambe a presenta. Paramedico a traha cu e persona di biaha y bay hospital cu maximo urgencia pa dokter atende cune.

Debi ne gravedad cu sla serio na cara contra e muraya di e rotonde, Polisnan a pidi presencia di specialista di trafico y departamento tecnico pa haci nan investigacion y saca potret di lastro di brake, debi cu tabata e harley so envolvi a dal den e muraya di e rotonde.