Ministerio Publico: Investigacion ta andando riba ambos polis y a prohibi nan entrada

Den oranan di mainta di diadomingo 9 di februari 2025 un tiroteo a tuma lugar, caminda e homber hoben A.C. Lanoy di 19 aña di edad a wordo alcansa pa balanan policial, y a bin na fayece. Esaki a hiba na gran emocion y na hopi tristesa cerca su famia y den comunidad completo.

Den un investigacion penal manera esaki, den cual polisnan ta envolvi den incidentenan di violencia cu ta termina cu morto, practicamente semper ta tuma lugar un investigacion independiente di Landsrecherche di Aruba. Landsrecherche ta un cuerpo investigativo cu ta neutral y cu ta independiente di Cuerpo Policial di Aruba. Mes ora despues di e incidente fatal Landsrecherche a start un investigacion penal bao guia di fiscal di husticia. E polisnan envolvi a wordo scucha como sospechoso.

E investigacion ta andando awor aki y pa su duracion e polisnan envolvi a wordo prohibi entrada den wardanan.

Ministerio Publico sa y ta conciente cu e tiroteo tin impacto grandi riba comunidad di Aruba. Pa e motibo aki, pa mas leu cu e investigacion ta permiti, Ministerio Publico lo percura pa informa regularmente tocante e investigacion y tocante adelantonan den e investigacion.

Dialuna merdia Ministerio Publico su fiscal a bishita algun cas pa tuma videonan di grabacion completo den beslag. Ambos polis tin cu duna cuenta na husticia, maske via radio y ne sitio a papia otro, pero camara di un cas sigur a capta e situacion 100% di alcontrario loke e oficialnan a papia na radio cu central di Polis y coleganan ey bou.

Masnoticia a busca mas informacion y den siman ki lo publica un relato completo detaya di e caso, dunando espacio na Landsrecherche caba di interoga pa saca informacionnan cu a yega cerca nos.

Actualmente tabatin dos foto di polis cu tabata bay rond. un fam W y otro fam B. ningun momento nan ta envolvi aden. e Fam W ta un persona cu e ta encarga cu como chef y a presenta pa pone su mes na altura debi cu e patruya di Noord a haci e bululu den su districto cu ta di Playa, y e Polis fam B un hoben, no tabata ni presente y ta traha na otro districto y otro team momento di accionnan.