Minister Plenipotenciario Mildred Schwengle a cera conoci cu e team di mentornan – Aruba Native

Den Haag – Na Gabinete di Aruba a tuma lugar un reunion regular cu e team de mentornan cu ta traha pa guia nos studiantenan den nan prome aña na Hulanda. A haci uso di e ocacion aki pa Minister Plenipotenciario Mildred Schwengle atende a reunion aki pa asina cera conoci cu e mentornan.

Señora Schwengle a tene un introduccion cortico y a cuminsa na bisa di ta contento pa cera conoci cu e mentornan y cu nan trabao pa guia nos studiantenan. E mandatario e enfatisa e importancia di guia na nos studiantenan pa asina sigura cu nan ta exitoso den nan estudio. Tambe señora Schwengle tabata tin palabra di aprecio pa e mentornan pa ta haci e trabao aki, banda di nan mesun trabao.

Despues a toca turno na e mentornan pa introduci nan mes; cua region nan ta cubri, nan “background” profesional; cuanto aña cu nan ta mentor y nan motivacion pakico nan a scohe pa traha como mentor.