Connect with us
MVP Ad

MINISTER KENNETH GIJSBERTHA: TE AINDA NO A HONRA PETISHON DI RETIRO DI MAS KU 150 TRAHADÓ DI ROBBIE’S

Local

MINISTER KENNETH GIJSBERTHA: TE AINDA NO A HONRA PETISHON DI RETIRO DI MAS KU 150 TRAHADÓ DI ROBBIE’S

MINISTER KENNETH GIJSBERTHA: TE AINDA NO A HONRA PETISHON DI RETIRO DI MAS KU 150 TRAHADÓ DI ROBBIE’S

MINISTER KENNETH GIJSBERTHA: TE AINDA NO A HONRA PETISHON DI RETIRO DI MAS KU 150 TRAHADÓ DI ROBBIE’S –  WILLEMSTAD.- Te ainda no tin ningun desishon di parti di ministerio di Asuntunan Sosial, Labor i Bienestar pa asina honra e petishon di retiro di trahadónan di Robbie’s Lottery. Asina minister di Finansa Kenneth Gijsbertha a bisa den parlamento. Durante reunion parlamentario Charles Cooper (MFK) tabatin diferente pregunta tokante e echo ku Maduro & Curiel’s Bank a sera tur kuenta di Robbie’s Lottery, ‘pa asin’aki Robbie’s Lottery pidi retiro di mas ku 150 trahadó’. Cooper a puntra Gijsbertha tambe ‘si gobièrnu a duna Robbie’s Lottery kaba aprobashon pa retirá e trahadónan aki, i asina bolbe pone tantu hende riba kaya atrobe’. Gijsbertha a kontestá: ‘E kompania en bèrdat a entregá un petishon dia 15 di aprel bou di nòmber di kantor di atministrashon Dollar NV pa retiro di personal. Pero te ainda desishon no a wòrdu tumá.’

Cooper tambe a puntra si Robbie’s Lottery tin pèrmit legal pa bende number na Kòrsou. Gijsbertha a konfirmá esaki. Despues Cooper a puntra ku ta bèrdat ku Robbie’s Lottery so tin problema ku banko aki. Gijsbertha a ninga di drenta den muchu mas detaye tokante e punto aki. El a bisa ku e no ta na altura di kuentanan bankario di otro riferonan. Cooper a bin ku hopi mas pregunta. Entre otro si ta bèrdat ku ‘tambe Banko Sentral di Kòrsou i St. Maarten a bira lomba pa Robbie’s Lottery’. Gijsbertha a bisa ku esaki ta un pregunta pa Banko Sentral kontestá, i ku e no por drenta den detaye di esaki. Cooper tambe a referí na un sentensia di hues den e kaso entre MCB i Robbie’s Lottery. Segun hues Robbie’s Lottery tin e derechi pa un kuenta bankario pa e por hasi su transakshonnan kuné. Gijsbertha a splika ku e sentensia di hues ta públiko, i tur hende por tuma nota di esaki. E no ke drenta den esaki.

Manera ta konosí kasi tres luna pasá hues den su sentensia a dikta ku Maduro & Curiel’s Bank i tambe su filial na St. Maarten no ta obligá na mantené Robbie’s Lottery i Smartplay komo kliente. Robbie’s Lottery a risibí karta di MCB i tambe di e banko su filial na St. Maarten, The Windward Island Bank N.V. kaminda ta anunsi’é ku den luna di novèmber i desèmber 2018 ku no ta sigui brind’é servisio bankario. Esei a pone ku Robbie’s Lottery a bai korte kontra di MCB, mirando e añanan di relashon bankario ku tin entre e dos entidatnan aki.

Hues despues di a mira e interesnan dikon banko no ke sigui ku Robbie’s Lottery i Smartplay komo kliente, a indiká ku e bankonan no ta obligá pa sigui ku e entidat di number komo nan kliente. Robbie’s Lottery a bai den apelashon kontra e sentensia.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!