Connect with us
MVP Ad

MÉDIKONAN SUSPENDÉ NA ULANDA, POR BIN KÒRSOU I EHERSÉ NAN FUNSHON

Local

MÉDIKONAN SUSPENDÉ NA ULANDA, POR BIN KÒRSOU I EHERSÉ NAN FUNSHON

MÉDIKONAN SUSPENDÉ NA ULANDA, POR BIN KÒRSOU I EHERSÉ NAN FUNSHON

MÉDIKONAN SUSPENDÉ NA ULANDA, POR BIN KÒRSOU I EHERSÉ NAN FUNSHON – WILLEMSTAD.- Jacinta Constancia parlamentario pa MFK a tuma nota den prensa i riba retnan sosial un artíkulo ku ta indiká ku médikonan ulandes ku a ser suspendé na Ulanda por i/òf ta bin Kòrsou i ehersé nan profeshon.

Komo representante di pueblo esaki ta lanta un preokupashon hopi grandi serka su persona, debí ku tratamentu médiko pa siudadanonan di Kòrsou mester wòrdu atendé di un forma diligente i no por ta asina ku esnan ku faya na Ulanda i wòrdu suspendé ta bin Kòrsou i ehersé nan funshon komo si fuera nada no a tuma lugá.

Pueblo di Kòrsou tin derechi riba un kuido médiko konfiabel i ku médikonan ku nan kredibilidat ta intachabel i nos no por ta e prùlebak pa médikonan ku wòrdu suspendé na Ulanda.

Relashoná ku esaki sra. Constancia ta hasi minister enkargá ku salubridat, sra. Suzy Camelia-Römer e siguiente preguntanan.

Minister por indiká kua ta e instansianan ku ta enkargá ku registrashon di un médiko di kas i/òf spesialista ku ta bin traha na Kòrsou?

Kua ta e funshon (ròl) di Minister di GMN den e trayekto di registrashon di un dòkter di kas i/òf un spesialista?

Ta hasi un investigashon di integridat den e trayekto di registrashon di un dòkter di kas i/òf spesialista promé ku e ser registrá pa por ehersé labor na Kòrsou?

Minister a tuma nota di e artíkulo den media i riba retnan sosial ku ta indiká ku médikonan ulandes ku a ser suspendé na Ulanda por i/òf ta bin Kòrsou i ehersé nan profeshon?

Ta bèrdat ku na Kòrsou tin médikonan ku a ser suspendé na Ulanda ta laborá?

Si kontesta di Minister ta si, por informá Parlamento kuantu médiko di kas i kuantu spesialista tin ta funshoná na Kòrsou i ku a wòrdu suspendé na Ulanda?

Minister ta di akuerdo ku médikonan suspendé na Ulanda òf kualkier otro parti di mundu por bin Kòrsou i ehersé nan profeshon sin mas?

Minister ta haña ta korekto ku nos leinan ta permití ku médikonan suspendé por ehersé nan funshon aki na Kòrsou?

Sra. Constancia ta spera un kontesta mas pronto posibel di parti di minister debí ku manera ya menshoná e informashon aki ta preokupante, debí ku gobièrnu ta pone den área di salubridat médikonan i spesialista ku no ta gosa di kredibilidat den nan propio pais.

Continue Reading
Advertisement
You may also like...

More in Local

MVP Ad
To Top
Close
error: Content is protected !!