Connect with us
MVP Ad

MEDIDANAN DI SEGURIDAT NA KAMINDA

Local

MEDIDANAN DI SEGURIDAT NA KAMINDA

MEDIDANAN DI SEGURIDAT NA KAMINDA

MEDIDANAN DI SEGURIDAT NA KAMINDA – WILLEMSTAD. – Minister di Hustisia i outoridatnan polisial tumando nota di susesonan lamentabel di último simannan ta kompartí e preokupashon ku ta reina den komunidat. Denter di poko lo sigui algun medida di seguridat ku pa motibunan opvio no por keda divulgá aktualmente.

Kompartiendo su preokupashon, Minister di Hustisia Quincy Girigorie a trese dilanti ku mirando e kantidat di aktonan kriminal i aksidentenan trágiko ku a tuma lugá den e promé seis lunanan di 2019, partikularmente despues di algun suseso lamentabel di e siman tras di lomba, di kual praktikamente tur ta relatá na hóbennan menor di 25 aña, a duna un bista na komunidat di ehekushon di trayektonan tantu represivo komo preventivo ku ta andando.

Minister ta di opinion ku ta importante pa informá komunidat, ku den kuadro di intensifikason di e trayektonan represivo, Kuerpo Polisial ya a ehekutá algun aresto klave relashoná ku kasonan di atrako (partikularmente den bibienda) i ekstorshon, resolviendo asina algun di e kasonan relatá na krímen organisá.

Konsiente di e impakto di kada krímen ku sosodé aki na Kòrsou, komunidat por tuma nota ku ya pasonan a wòrdu tumá pa oumentá e visibilidat di aktornan hudisial riba kaya.

Den e kuadro aki den e próksimo siman i lunanan poulatinamente, komunidat lo bai ripará e koperashon entre Kuerpo Polisial, VKC i Militarnan di Kòrsou ku lo keda oumentá.

Hasiendo uso di outoridatnan Ministerial, lo kontrolá tur persona i outomobilista di forma preventivo. E akshonnan aki lo tuma lugá den áreanan spesífiko.

Lo bai tin tambe medidanan di seguridat ku pa motibunan opvio no por keda divulgá na e momentunan aki.

Pa por logra na solushonnan duradero i baha e nivel di krímen i susesonan lamentabel na Kòrsou, Minister ta pidi komunidat pa koperá ku outoridatnan durante e kontrolnan ku denter korto lo inisiá.

 

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!