Connect with us
MVP Ad

MAYORNAN DI MESUN SEKSO TA HAÑA RASON DEN KORTE

Local

MAYORNAN DI MESUN SEKSO TA HAÑA RASON DEN KORTE

MAYORNAN DI MESUN SEKSO TA HAÑA RASON DEN KORTE

MAYORNAN DI MESUN SEKSO TA HAÑA RASON DEN KORTE – WILLEMSTAD. – Djabièrnè tras di lomba Korte Sivil a dikta fayo den un kaso interesante, ku ta trata e derecho di hende kasá di e mesun sekso. E loke ku por dedusí for di e kaso aki ta ku den Statüt tin stipulá ku verediktonan di huesnan (korte) na Ulanda, Aruba, Kòrsou òf St. Maarten, ta realisabel i aplikabel den henter Reino Ulandes.

Ta trata di un kaso ku tin su aspekto hurídiko ku a keda regla den Statüt i ku simplemente Kòrsou no por pone un banda, ounke ku kisas den leinan di Korsou sierto puntonan no ta stipulá.
Den e kaso spesífiko aki, t’asina ku un pareha kasá di mesun sekso (hende muhé), a pidi Registro Sivil aki na Kòrsou registrá un akta ku e pareha a Registrá na Ulanda.

E ámtenar aki na Kòrsou a ninga di registrá e akta aki, pa motibu ku na e ámtenar su opinion ku leinan di Kòrsou no tin espasio pa registrá tal akta.
T’asina ku un di e muhénan ta sperando un yu, pa medio di inseminashon. E pareha a bai di akuerdo ku otro ku ora e yu nase e ta haña fam di e otro muhé.
Esaki a pone ku e pareha a bai Registro Sivil i laga einan e ámtenar traha un asina yamá akta prenatal. Esaki ta un akta ku promé ku e yu nase ya tin fam di esun otro.

Esaki tin di aber ku si algu pasa e pareha, por ehèmpel e fayesé, ora e yu nase e ta heredero di su bienesnan.
Manera ya menshoná ámtenar aki na Kòrsou a nenga di aseptá e akta ei komo tal, pa motibu ku Leinan di Kòrsou ta bisa ku fam di yu mester ta fam di e homber ku a prokreá e yu òf fam di e mama, òf fam di tur dos.
Pero no tin espasio pa fam di un muhé ku defakto no ta esun ku ta na estado pa haña e yu.

E pareha a aserká e bufete di abogado Ayubi-Haakmester ku a defendé interes di e pareha kasá di e mesun sekso.
Nan a trese dilanti ku konforme Statüt artíkulo 40 ku ta indiká ku un yu nasé na Kòrsou mester keda aseptá den e registro segun e definishon di lei komo yu di un pareha kasá.
Korte den su desishon a uni su mes ku e defensa di e pareha i a duna di konosé ku e akta di Ulanda ta válido pa Kòrsou tambe si akaso algu pasa. Pues no ta nesesariamente mester di un inskripshon den registro sivil den un forma prenatal.

Pero despues ku e yu nase, Registro Sivil di Kòrsou mester inskribí e yu segun e akta stipulá na Ulanda i esaki ta konta pa tur sobrá yunan tambe ku e pareha aki lo mester haña den futuro.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!