MAGA movement ta spart di otro ora cu Trump ta menasa di eradica un “civilisacion completo” si Iran no haci un deal.

E menasa di Donald Trump pa eradica un “civilisacion completo” si Iran nenga un trato cu ta inclui reapertura di e strecho di Hormuz, a pone e division politico di e pais den un alivio ainda mas fuerte.

Republicanonan y varios ex-oficial a elogia e postura di e administracion den e negociacionnan stanca cu Tehran como un determinacion cu a tarda pa bin.

​Democratanan, den contraste, a describi e ultimo comentarionan di e presidente – asombroso mes pa e standardnan di un lider cu rutinariamente ta escala su mesun retorica – como motibo pa retiro.

Pero algun di e reaccionnan mas fuerte ta biniendo for di paden di Trump su propio coalicion. Un cantidad di comentaristanan di extreem right cu un tempo tabata forma e fundeshi di su base, a kibra cu ne door di Operacion Epic Fury y su menasanan pa ataca infrastructura civil y di energia.

​Hopi ta acusa e presidente di bandona su promesa di campaña pa mantene Estados Unidos for di conflictonan stranhero den e simannan desde cu e guera di Estados Unidos y Israel contra Iran a cuminsa.

Ex-presentador di Fox News Tucker Carlson a yama e strategia “vil na tur nivel” den e episodio di dialuna di su programa online, bisando cu “ni sikiera un luna y mey den e conflicto… nos ta bay uza nos ehercito pa mata e ciudadanonan di e pais aki”.

Marjorie Taylor Greene – anteriormente un di e aliadonan mas confiabel di Trump na Capitol Hill – a uni cu e Democratanan den e yamada pa su retiro bao di e amienda 25 . E Conspiracy Theorist y locutor di rightwing Alex Jones tambe a urgi pa saca Trump for di su puesto. “Bo por tin un bon lider, y simplemente nan ta bira loco,” el a bisa riba social media. “Esey ta e locura di un rey.”
Entretanto Candace Owens, kende un tempo tawata e faborito di e movemento MAGA, a ripiti su condenacion di e campaña di bom, yamando Trump “un lunatico genocida” y urgiendo Congreso y e militar pa interveni.