Connect with us
MVP Ad

LO INISIÁ VÁRIOS TRAYEKTO PREVENTIVO DIRIGÍ RIBA BARIO I SKOLNAN

Local

LO INISIÁ VÁRIOS TRAYEKTO PREVENTIVO DIRIGÍ RIBA BARIO I SKOLNAN

LO INISIÁ VÁRIOS TRAYEKTO PREVENTIVO DIRIGÍ RIBA BARIO I SKOLNAN

LO INISIÁ VÁRIOS TRAYEKTO PREVENTIVO DIRIGÍ RIBA BARIO I SKOLNAN – Minister di Hustisia den afan pa baha nivel di krímen:

 

WILLEMSTAD. – Konsientisashon fundamental den un komunidat so lo guia na kambionan duradero, asina Minister di Hustisia Quincy Girigorie a duna di konosé. Sinembargo ta sumamente importante pa remarká, ku si komo komunidat, no duna debido atenshon na e parti preventivo, e akshonnan represivo riba nan mes lo no hiba na solushonnan duradero pa baha e nivel di krímen i susesonan lamentabel na Kòrsou.

Ministerio di Hustisia, ta konsiente di su ròl delantero den prevenshon di krímen, sinembargo ta solamente huntu ku tur gremio den komunidat por tin logronan efektivo.

P’esei riba tereno preventivo den luna di ougùstùs i sèptèmber próksimo, vários trayekto preventivo dirigí riba bario i skolnan na Kòrsou lo inisiá, konhuntamente ku vários gremio di den komunidat.

Krímen sinembargo nunka ta inisiá den un komunidat ku komportashonnan pisá. Komportashon kriminal den un pais ta kuminsá ku fayonan kontra norma i balornan establesé dor di komunidat ku mas i mas ta wòrdu tolerá.

Entretantu ta bisto ku un grupo relativamente grandi a tolerá i asta promové asina tantu akshon robes, te ku a desaroyá un sup-kultura di: “kos malu ta bon i kos bon ta malu”.

P’esei, e kondishon primordial pa un lucha efektivo kontra kriminalidat ta, pa huntu komo pais re – definí e norma i balornan ku komunidat ta para p’e, pa asina esakinan por wòrdu reforsá generalmente i pa institutonan manera Famia, Bario, organisashonnan Gubernamental i No – Gubernamental sosial, religioso, deportivo i artístiko, tuma nan responsabilidat den forma di eduká nos hóbennan pa por hasi eskohonan responsabel i asina baha i limitá e kantidat di persona ku ta bini den kontakto ku Hustisia.

Hustisia di su banda sigur ta sigui hasi tur esfuerso, tantu den e parti represivo komo preventivo pa kontra resta krímen riba e pais aki i ta konfia ku e lo risibí koperashon di komunidat pa huntu logra un komunidat sano i sigur pa nos tur.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!