Connect with us
MVP Ad

‘KÒRSOU DI NOS TUR LO SIGUI HASI DENUNSIA

Local

‘KÒRSOU DI NOS TUR LO SIGUI HASI DENUNSIA

‘KÒRSOU DI NOS TUR LO SIGUI HASI DENUNSIA PA PARA KORUPSHON’

‘KÒRSOU DI NOS TUR LO SIGUI HASI DENUNSIA PA PARA KORUPSHON’ –  WILLEMSTAD.- ‘E sistema polítiko ku nos tin awor na Kòrsou no ta koregí, ni rektifiká, ni renobá su mes. Dia pa dia fayonan ta bira mas grandi, mas fuerte. Tin hopi fayonan, tin hopi korupshon.’ Asina Carlos Monk, na nòmber di partido polítiko Kòrsou di Nos Tur ayera a bisa durante rueda di prensa di e partido. Monk a menshoná diferente ehèmpel, manera kaso di kámara di vigilansia di algun aña pasá, pero ku segun Monk e tópiko ta fresku den memoria di pueblo te ainda. ‘Henter e proyekto a kosta 20 mion florin i hopi kámara no ta funshoná.

Nos tin e  ehèmpel ku skol di polis, ku un minister a vota pe pa yuda famia gasta basta plaka. Nos tin un situashon di InselAir ku a kosta hopi sèn, pero a finalisá den un debakel. Tambe nos tabatin e 600 kilo di kokaina ku a disparsé for di un ofisina di polis. Punto di Kòrsou di Nos Tur ta ku den tur di e kasonan niun hende a tuma nan responsabilidat. Nada no a sosedé.’

 

Pa e motibu ei e partido Kòrsou di Nos Tur a disidí pa sigui duna anunsio kontra diferente polítikonan ku a hasi fayo grandi ku konsekuensia grandi pa komunidat. Pero ku no a tuma nan responsabilidat. ‘Mi ta kere ku nos tin ku sigui riba e ruta. Hasi denunsia, duna atenshon riba sierto kosnan ku ta daña komunidat.’

Monk a menshoná entre otro kaso kontra minister Steven Martina ku Kòrsou di Nos Tur a entamá I tambe denunsia kontra parlamentario Eugene Cleopa i keho kontra minister Kenneth Gijsbertha, direktor interino di Banko Sentral di Kòrsou i Sint Maarten Leila Matroos-Lasten i eks-kandidato minister Neysa Schoop-Isenia.

Monk: ‘Esaki ta kasonan ku a shòk komunidat. P’esei nos ta pidi outoridatnan kompetente pa tuma akshon. Pasobra hopi mandatarionan a tuma komo kustumber ku hende ta lubidá hopi kos. Nan no ta tuma akshon i despues nan ta spera ku e kosnan ta disparsé. Parlamento no ta yuda nos ku esaki.

 

Pasobra si Kòrsou di Nos Tur ta pidi reunion di Parlamento, nos tin ku warda 3 òf 4 luna promé ku presidente di Parlamento ta pone esaki riba agènda. No tin niun sentido di urgensia. Pa e motibu ei nos a disidí, ku si tin indikashon di korupshon, pa para e kos aki. Pasobra si e plataforma polítiko mas haltu ku nos tin, ku ta parlamento, no ta na fabor pa aktua lihé. Nos tin ku buska nos derechi na Ministerio Públiko i Korte.’

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!