Connect with us
MVP Ad

KONSEPTO DI INSTRUKSHON TA KLA; SEGUN ULANDA KÒRSOU NO TA KUMPLI KU NORMANAN

Local

KONSEPTO DI INSTRUKSHON TA KLA; SEGUN ULANDA KÒRSOU NO TA KUMPLI KU NORMANAN

KONSEPTO DI INSTRUKSHON TA KLA; SEGUN ULANDA KÒRSOU NO TA KUMPLI KU NORMANAN

KONSEPTO DI INSTRUKSHON TA KLA; SEGUN ULANDA KÒRSOU NO TA KUMPLI KU NORMANAN – WILLEMSTAD, – Minister-presidente Eugene Rhuggenaath ayera den sala di Parlamento a bisa ku e ta spera ku Konseho di Minister di Reino durante nan reunion di 14 di yüni na Ulanda lo no aseptá un instrukshon pa Kòrsou. Segun Rhuggenaath esaki lo tin konsekuensia basta grave pa ekonomia di Kòrsou. EXTRA awe a hasi un konsepto di e instrukshon disponibel pa tuma nota di dje.

Den e instrukshon ta skirbi bon kla ku segun Konseho di Minister di Reino gobièrnu di Kòrsou no ta kumpli ku normanan di “Rijkswet financieel toezicht” i no hasi sufisiente pa minimalisá défisit den presupuesto di 2019.
Segun e konsepto di instrukshon, ku ta wòrdu firmá dor di sekretario di estado di Relashon di Reino Raymond Knops, e entradanan i gastunan di pais Kòrsou no ta den balansa i e maneho finansiero no ta na òrdu.
E aña presupuestario 2017 a sera ku un défisit di ANG 116,8 mion i e défisit preliminar di 2018 ta ANG 52,7 mion. E presupuesto di 2019 tin un défisit ANG 112 mion. Ku ta nifiká ku pa di tres aña konsekutivo Kòrsou lo no kumpli ku e norma preskribí pa lei di un servisio komun balansá.

Pa e motibu ei djabièrnè awor Konseho di Minister di Reino lo vota tokante instalashon di un instrukshon. Den e konsepto no ta menshoná te ainda kuantu aña Kòrsou tin pa drecha tur e défisit. Segun Rhuggenaath Kolegio Supervishon Finansiero ta konsehá un periodo di tres aña. Pero segun Rhuggenaath esaki lo tin komo konsekuensia ku nos ekonomia lo kremp drástiko pa e siguiente añanan. Na su opinion Kòrsou mester tin sinku aña pa drecha e défisitnan.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!