Connect with us
MVP Ad

KOMPANIA KU A KUMPRA UTS TA HASIENDO BON GANASHI

Local

KOMPANIA KU A KUMPRA UTS TA HASIENDO BON GANASHI

KOMPANIA KU A KUMPRA UTS TA HASIENDO BON GANASHI

KOMPANIA KU A KUMPRA UTS TA HASIENDO BON GANASHI – WILLEMSTAD.- E kompania Liberty Latin America ta hasiendo bon negoshi. Asina ta sali na kla for di sifranan di e di dos kuartal di e kompania publiká e siman aki. E kompania a bisa ku el a krese ku 3 porshento ku ta representá un suma di 983 mion dollar den tur e 20 merkadonan ku e ta funshoná.

Loke a yuda e kompania hopi ta ku diferente pais karibense kaminda e ta aktivo a rekuperá di e slannan grandi di Irma i Maria na 2017. Banda di esei a atkerí e aña UTS ku ta sirbi diferente merkado den Caribe ulandes. Tambe a kumpra e kompania Cabletica di Costa Rica na desèmber aña pasá. Un di e kosnan ku a afektá e kompania ta e devaluashon di peso di Chile kompará ku dòler merikano.

Presidente di e kompania Balan Nair a bisa ku e di dos kuartal ta prueba adishonal ku e kompania tin “momentum operashonal”. Nos a sigui invertí den nos ret, produkto i eksperensia ku kliente. Esei a pone ku den e di dos kuartal e kompania a haña 110 mil kliente aserka”, asina el a splika.

Nair a bisa ku e desishon pa kumpra 87.5 porshento di UTS na mart a kontribuí na e desaroyonan positivo di e kompania. E sobrá akshonnan ta den man di Gobièrnu di Sint Maarten kaminda parlamento mester duna su aprobashon pa e atkisishon. Esei lo nifiká ku Liberty lo haña e merkadonan di Kòrsou, St. Maarten, St. Martin franses, Bonaire, St. Barths, St. Eustatius i Saba. Na òktober último e kompania a atkerí 80 porshento di e akshonnan di e operador di kabel na Costa Rica, Cabletica.

Liberty Latin America ta repartí su negoshi den diferente unidat di hasi negoshi. Den nos region e kompania ta aktivo tambe na Panamá, Costa Rica i Puerto Rico.

E splikashon finansiero di e kompania riba e di dos kuartal di 2019 no ta duna un bista riba e ‘performance’ di UTS den e totalidat di e kompania.  Pa haña un bista lo mester warda e resultado operashonal di e aña aki. Por nota si ku últimamente UTS ta ménos pronunsiá riba merkado ku ántes. Un funshonario di e kompania a bisa resientemente ku e kompania ta re-orientando riba e merkadonan di Caribe ulandes.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!